قارجىلىق مونيتورينگ اگەنتتىگى مەملەكەتكە 400 ميلليون تەڭگە شىعىن كەلتىرگەن ادامدى ىزدەستىرىپ جاتىر

استانا. KAZINFORM - قارجىلىق مونيتورينگ اگەنتىگىنىڭ الماتى قالاسى بويىنشا دەپارتامەنتى ق ر ازاماتى بويكو ميحايل اداموۆيچتى (1963 -جىلعى 25-ماۋسىم تۋعان) ىزدەستىرىپ جاتىر.

اگەنتتىكتىڭ حابارلاۋىنشا، وعان ق ر قىلمىستىق كودەكسىنىڭ 245-بابى 3-بولىگى (سالىق تولەۋدەن جالتارۋ) جانە 218-بابى 3-بولىگى (قىلمىستىق جولمەن الىنعان اقشا مەن مۇلىكتى زاڭداستىرۋ) بويىنشا قىلمىس جاسادى دەگەن كۇدىك كەلتىرىلىپ وتىر.

«بويكو م. ا. بالىق ونىمدەرىن ەكسپورتتايتىن كاسىپورىنداردان كورپوراتيۆتىك تابىس سالىعىن تولەمەي، مەملەكەتكە 400 ميلليوننان استام تەڭگە زالال كەلتىرگەن»، - دەلىنگەن حابارلامادا.

«ەگەر ءسىز ىزدەستىرىلىپ جاتقان ازاماتتىڭ قايدا ەكەنى تۋرالى قانداي دا ءبىر اقپاراتقا يە بولساڭىز، بىزگە حابارلاۋىڭىزدى سۇرايمىز.
77012180523+،

77011214765+ - ازاماتتاردى ىزدەستىرۋ بويىنشا،

77272792956+ - كەزەكشى ءبولىم.

سىياقى مەن انونيمدىلىككە كەپىلدىك بەرەمىز»، - دەلىنگەن حابارلامادا.