قارجىلىق مونيتورينگ اگەنتتىگى بيشىمبايەۆتىڭ وتباسىنىڭ اكتيۆتەرىنە قاتىستى جاۋاپ بەردى

استانا. KAZINFORM - قارجىلىق مونيتورينگ اگەنتتىگى ءتوراعاسىنىڭ ورىنباسارى جەڭىس ەلەمەسوۆ بيشىمبايەۆتار وتباسىنىڭ اكتيۆتەرىنە قاتىستى پىكىر ءبىلدىردى، - دەپ حابارلايدى Massaget.kz ءتىلشىسى.

ءماجىلىس كۋلۋارىندا اگەنتتىك سوتتالعان قۋاندىق بيشىمبايەۆتىڭ وتباسىنىڭ اكتيۆتەرىن تەكسەرۋ تۋرالى پەتيتسياعا قانشالىق نازار اۋداراتىنى سۇرالدى.

«جارايدى، مىندەتتى تۇردە نازار اۋدارامىز. (...) پەتيتسيانىڭ ناتيجەلەرىن كۇتىپ، ءبىر جاعىنان بۇل ماسەلەنى قاراستىرامىز. بۇعان مىندەتتى تۇردە نازار اۋدارامىز. ۋايىمداماڭىزدار، سىزدەرگە مىندەتتى تۇردە حابارلايمىز»، - دەدى اگەنتتىك وكىلى.

ونىڭ ايتۋىنشا، بۇگىنگى تاڭدا ق م ا بيشىمبايەۆتار وتباسىنا قاتىستى ىستەردى تەرگەپ جاتقان جوق.

«بىزدە تىركەلگەن قىلمىستىق ىستەر جوق. ءبىراق زاڭسىز ساتىپ الىنعان قىلمىستىق كىرىستەر بويىنشا تەكسەرىستەردى تۇراقتى جۇرگىزەمىز. بۇل جۇمىستار بىزدە، ەگەر قىلمىستىق جولمەن الىنعان جانە زاڭداستىرىلعان قانداي دا ءبىر زاڭسىز كىرىستەر شىقسا، ءبىز ولاردى مىندەتتى تۇردە قىلمىستىق جاۋاپكەرشىلىككە تارتامىز»، - دەدى ەلەمەسوۆ.

ەسكە سالايىق، بۇعان دەيىن «بيشىمبايەۆتىڭ جانە ونىڭ وتباسىنىڭ مۇلكى تاركىلەنسىن» دەگەن پەتيتسيا جاريالانعان ەدى.