قارجى مونيتورينگى اگەنتتىگى قىتاي ازاماتىنا حالىقارالىق ىزدەۋ جاريالادى

استانا. قازاقپارات - قارجى مونيتورينگى اگەنتتىگى قىتاي ازاماتىنا ىزدەۋ جاريالادى. ۆەدومستۆو استانا قالاسى بويىنشا ەكونوميكالىق تەرگەۋ دەپارتامەنتىندە تيان باويۋانعا قاتىستى ىزدەستىرۋ ءىسى بارىن مالىمدەدى.

ول قىلمىستىق كودەكستىڭ 214-بابى 2-بولىگىنىڭ 2-تارماعىن («اسا ءىرى مولشەردە تابىس تابۋمەن ۇشتاسقان زاڭسىز كاسىپكەرلىك، زاڭسىز بانكتىك، ميكروقارجىلىق نەمەسە كوللەكتورلىق قىزمەت») بۇزدى دەگەن كۇدىككە ءىلىندى.

بۇل باپتىڭ سانكسياسى بويىنشا 5000 ا ە ك-كە دەيىن ايىپپۇل (2024 -جىلعى ەسەپ بويىنشا 18 ميلليون تەڭگەدەن اسادى) نە سول مولشەردە تۇزەۋ جۇمىستارى نە 1200 ساعاتقا دەيىنگى مەرزىمگە قوعامدىق جۇمىستارعا تارتۋ نە بەس جىلعا دەيىنگى مەرزىمگە باس بوستاندىعىن شەكتەۋ نە مۇلكى تاركىلەنىپ، سول مەرزىمگە باس بوستاندىعىنان ايىرۋ تۇرىندەگى جازا كوزدەلەدى.

«بۇل ادامعا حالىقارالىق ىزدەۋ جاريالاندى، وعان قاتىستى قاماۋدا ۇستاۋ بۇلتارتپاۋ شاراسى تاڭدالدى»، - دەپ جازىلعان ق م ا باسپا ءسوز قىزمەتىنىڭ جاۋابىندا.

 Massaget.kz