21:12, 01 - تامىز 2024 | GMT +5
قارجى مونيتورينگى اگەنتتىگى مەن ۇ ق ك قورعاستاعى 8 جاسىرىن كازينونى انىقتادى
استانا. KAZINFORM - ۇلتتىق قاۋىپسىزدىك كوميتەتىنىڭ جەدەل قىزمەتكەرلەرى مەن شەكاراشىلارى قارجى مونيتورينگى اگەنتتىگىمەن بىرلەسىپ، «قورعاس» ش ى ح و-نىڭ قازاقستاندىق بولىگىندە جۇمىس ىستەگەن 8 جاسىرىن كازينو ارەكەتىنىڭ جولىن كەستى.
2024 -جىلعى 18-شىلدەدە وسى ارەكەتكە قاتىسى بار دەگەن كۇدىكپەن 32 شەتەلدىك جانە 6 رەسپۋبليكا ازاماتى ۇستالدى.
ءتىنتۋ بارىسىندا ويىن اۆتوماتتارى مەن ۇستەلدەر، قۇمار ويىندارىن ۇيىمداستىرۋعا ارنالعان تەحنيكالىق جابدىقتار، سونداي-اق كوپ مولشەردە اقشالاي قاراجات الىندى.
جەتىسۋ وبلىسى بويىنشا ەكونوميكالىق تەرگەۋ دەپارتامەنتى قىلمىستىق كودەكستىڭ 307-بابى بويىنشا سوتقا دەيىنگى تەرگەپ-تەكسەرۋ جۇرگىزىپ جاتىر.
قىلمىستىق-پروتسەستىك كودەكسىنىڭ 201-بابىنىڭ 1-بولىگىنە سايكەس وزگە مالىمەتتەر جاريا ەتۋگە جاتپايدى.
