قارجى ءمينيسترى: سىرتتان الاتىن قارىز كولەمىن ءالى دە كوبەيتەتىن مۇمكىندىگىمىز بار

استانا. KAZINFORM - قارجى ءمينيسترى ءمادي تاكيەۆ ءماجىلىس وتىرىسىنان كەيىن جۋرناليستەردىڭ سۇراعىنا بەرگەن جاۋابىندا سىرتقى قارىزدىڭ كولەمىن ازايتۋ ءۇشىن قانداي شارالار قابىلدانىپ جاتقانىن ايتتى.

«قازاقستاننىڭ سىرتقى قارىزىنىڭ كولەمى ەلدىڭ جالپى ىشكى ءونىمىنىڭ %23 ىنا تەڭ. زاڭ بويىنشا بەلگىلەنگەن شەك - %30. حالىقارالىق ساراپشىلاردىڭ باعالاۋىنشا، بىزدە بۇل كورسەتكىشتەن ۇلعايتۋ مۇمكىندىگى بار. ءبىز بەلگىلەگەن شەك ەڭ اقىرعى شەك دەگەن ءسوز ەمەس. قازىرگى قارىز شەگى بارىنشا قولايلى»، - دەدى ءمالي تاكيەۆ.

مينيستر سىرتقى قارىز كولەمىن ازايتۋ بيۋجەت تاپشىلىعىن جويۋمەن قاتار جۇرەتىن شارۋا ەكەنىن ەسكە سالدى.

«قازىرگى تاڭدا بيۋجەت تاپشىلىعى ج ءى ءو- ءنىڭ %2,6- ىنا تەڭ نەمەسە 3,5 تريلليون تەڭگە. ءبىز وسى تاپشىلىقتى جىل سايىن ازايتۋدى جوسپارلاپ وتىرمىز. 2027-جىلدىڭ بيۋجەتىن قاراساڭىز، وندا تاپشىلىق ج ءى ءو - ءنىڭ %1,9 ىنا تەڭ بولادى دەپ بەلگىلەنگەن. بيۋجەت تاپشىلىعىن بىرتىندەپ ءتۇسىرۋ سىرتقى قارىز كولەمىن ازايتۋعا اكەلەدى»، - دەدى مينيستر.

وسىعان دەيىن قارجى ءمينيسترى ءمادي تاكيەۆتىڭ جەكە ادامداردىڭ شەتەلدەن كولىك اكەلۋ ماسەلەسى قارالىپ جاتقانى تۋرالى ايتقانىن جازعان ەدىك.