17:49, 14 - ماۋسىم 2024 | GMT +6
قاراتاۋ مەملەكەتتىك تابيعي قورىعىندا ارقارلار فوتوتۇزاققا ءتۇسىپ قالدى
استانا. KAZINFORM - قاراتاۋ مەملەكەتتىك تابيعي قورىعىندا فوتوتۇزاققا ارقارلار ءتۇستى، دەپ حابارلايدى ق ر ەكولوگيا مينيسترلىگىنىڭ باسپا ءسوز قىزمەتى.
ءباسپاسوز قىزمەتىنىڭ مالىمەتتەرىنە قاراعاندا، ارقارلاردىڭ ەرەسەك اتالىقتارىنىڭ ماسساسى 200 ك گ- نان اسادى. ولار تاۋلى جەرلەردە تىرشىلىك ەتەدى، جۇمساق بەتكەيلەر مەن جازىقتاردى جاقسى كورەدى.
ارقارلار ادەمى مۇيىزدەرى مەن قالىڭ تەرى جامىلعىسىنىڭ ارقاسىندا وزىنە بىردەن نازار اۋدارتادى. ولاردىڭ قۋاتتى مۇيىزدەرى جۇپتاسۋ كەزەڭىندە قورعانىش ءارى اسەمدىك قىزمەتىن اتقارادى.
ارقارلار قازاقستاننىڭ قىزىل كىتابىنا ەنگىزىلگەن جانۋار.
