قاراكولدە قىرىلىپ قالعان 1 مىڭنان استام اققۋدىڭ ولەكسەسى جويىلدى

استانا. KAZINFORM - ماڭعىستاۋ وبلىسى قاراكول كولىندەگى جاپپاي قىرىلىپ جاتقان اققۋلاردىڭ ولەكسەسى ارنايى اپپاراتپەن ورتەلىپ، جويىلىپ جاتىر. وسى كۇنگە دەيىن 1110 اققۋدىڭ ولەكسەسى تابىلعان.

«اققۋلاردىڭ ولەكسەسى ۆەتەرينارلىق تالاپتارعا ساي جويىلىپ جاتىر. ماماندار ارنايى قورعاۋ كيىمدەرىمەن قامتىلعان. قۇستاردىڭ ولەكسەسىن جويۋ ءۇشىن اتىراۋ قالاسىنان ينسينەراتور پەشى بار «كاماز» اۆتوكولىگى الىندى. ولگەن قۇستار پەشتە ورتەلىپ، كۇندەلىكتى جويىلىپ وتىرادى» دەپ جاۋاپ بەردى ماڭعىستاۋ وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكسياسى Kazinform اگەنتتىگىنىڭ ارنايى ساۋالىنا.

سونداي-اق، ساۋال جاۋابىندا 2024 -جىلعى 22-قاڭتاردا قاراكول كولىندە 1110 اققۋدىڭ ولەكسەسى تابىلىپ، جويىلعانى ايتىلعان.

ەسكە سالا كەتەيىك، ماڭعىستاۋدا قىرىلعان اققۋ سانى 1 مىڭنان اسىپ كەتتى.

الدىن الا مالىمەت بويىنشا، اققۋلاردىڭ جاپپاي قىرىلۋى قۇس تۇماۋىنان بولعان.

كەيىن قاراكولگە Rixos-تەن توگىلەتىن قالدىق سۋدىڭ قانشالىقتى لاس ەكەنى جاريالاندى.