قاراكولدە قىرىلعان اققۋلاردىڭ سانى رەكوردتىق كورسەتكىشكە جەتتى
ماڭعىستاۋ وبلىسىنداعى قاراكول كولىندە قىرىلعان اققۋلاردىڭ سانى ەكى جۇزدەن استى، دەپ حابارلايدى Kazinform.
وڭىرلىك ەكولوگيا دەپارتامەنتىنىڭ مالىمەتىنە سايكەس ولگەن اققۋلاردان قۇس تۇماۋىنىڭ ۆيرۋسى تابىلعان.
«21-جەلتوقساننان بەرى قورىق ينسپەكتورلارى قىرىلعان 132 اققۋدى تاپتى. ال 2-قاڭتارداعى جاعداي بويىنشا ولگەن اققۋلار سانى 227 بولدى. ونىڭ ىشىندە 132 اققۋدىڭ ولەكسەسى جويىلدى، تاعى 95 اققۋ 3-قاڭتاردا ۆەتەريناريالىق زاڭنامادا بەلگىلەنگەن ءتارتىپ بويىنشا جويىلادى»، - دەدى ەكولوگيا دەپارتامەنتىنىڭ باسپا ءسوز قىزمەتى.
وتكەن جىلدىڭ 21-جەلتوقسانىندا ءۇستىرت مەملەكەتتىك تابيعي قورىعىنىڭ قىزمەتكەرلەرى قاراكول كولىندە كۇزەت ءىس-شارالارىن وتكىزۋ كەزىندە 30 اققۋ-شيپۋننىڭ ءولىمى فاكتىسىن انىقتاعان بولاتىن.
اتالعان دەرەك بويىنشا بويىنشا قورىق جانە وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكسياسىنىڭ ماماندارى ماڭعىستاۋ وبلىسىنىڭ ەكولوگيا دەپارتامەنتى، ا ش م ۆەتەريناريالىق باقىلاۋ جانە قاداعالاۋ كوميتەتىنىڭ ۆەتەريناريا جونىندەگى ۇلتتىق ورتالىعىنىڭ قىزمەتكەرلەرىمەن بىرلەسىپ ءتيىستى زەرتحانالىق زەرتتەۋ جۇرگىزۋ ءۇشىن سىنامالار الدى.
