قاراجات ەڭ ماڭىزدى ماسەلەلەردى شەشۋگە جۇمسالۋى قاجەت - پرەزيدەنت بيۋجەت قارجىسىن ۇنەمدەۋ تۋرالى

Фото: Kazinform
Фото: Kazinform

استانا. KAZINFORM - بيۋجەت قارجىسىن وڭدى-سولدى جۇمساۋعا بولمايدى. مۇنى قاتاڭ باقىلاۋدا ۇستاۋ كەرەك. قاراجات ەڭ قاجەت جوبالارعا، ەڭ ماڭىزدى ماسەلەلەردى شەشۋگە جۇمسالۋى قاجەت.

بۇل تۋرالى مەملەكەت باسشىسى قاسىم-جومارت توقايەۆ ۇلتتىق قۇرىلتايدىڭ ءۇشىنشى وتىرىسىنداعى سوزىندە ايتتى، دەپ حابارلايدى اقوردانىڭ باسپا ءسوز قىزمەتى.

«تاعى ءبىر ماسەلە - بيۋجەت قارجىسىن ۇنەمدەۋ. ۇكىمەت بۇل ماسەلەنى ءاردايىم باستى نازاردا ۇستاۋعا ءتيىس. قازىر بيۋجەتتىڭ كىرىسى مەن شىعىسى قايتا قارالىپ جاتىر. قارجىنى وڭدى-سولدى جۇمساۋعا بولمايدى، بۇل - اقيقات. مەملەكەتتىك مەكەمەلەردىڭ بيۋجەتىن تەكسەرىپ وتىرماسا، شىعىستارى ۇلعايا بەرەدى. مۇنى قاتاڭ باقىلاۋدا ۇستاۋ كەرەك. تاعى دا قايتالاپ ايتامىن. قاراجات ەڭ قاجەت جوبالارعا، ەڭ ماڭىزدى ماسەلەلەردى شەشۋگە جۇمسالۋى قاجەت.

مەن بۇگىن تاعى ءبىر وزەكتى ماسەلەگە قاتىستى ويىمدى ورتاعا سالعىم كەلەدى. ءبىز سوڭعى جىلدارى كاسىپكەرلىكتى دامىتۋعا ايرىقشا ءمان بەرىپ وتىرمىز. باستى ماقسات - ەلىمىزدى ايماقتاعى اشىق نارىقتىق ەكونوميكاسى بار ماڭىزدى ورتالىققا اينالدىرۋ. وسى ورايدا ۇلتتىق بۋرجۋازياعا زور مىندەت جۇكتەلەدى.

مەن ۇلتتىق بۋرجۋازيا تۋرالى وي-تۇجىرىمدى وسىدان 24 جىل بۇرىن داۆوس ەكونوميكالىق فورۋمىندا اتاپ ءوتتىم. بۇل جەردە ۇلتتىق دەگەن ءسوز كاسىپكەردىڭ ۇلتىنا ەمەس، ونىڭ ازاماتتىق سانا-سەزىمىنە قاتىستى ايتىلىپ وتىر. ياعني، ەلىمىزگە قوعام الدىنداعى جوعارى جاۋاپكەرشىلىگىن سەزىنەتىن جانە قازاقستاندى دامىتۋعا ەلەۋلى ۇلەس قوساتىن ۇلتتىق بۋرجۋازيا كەرەك»، - دەدى ق ر پرەزيدەنتى.

سوڭعى جاڭالىقتار