قاراشادا تەڭگە 2,4 پايىزعا نىعايدى - ۇلتتىق بانك
قاراشانىڭ قورىتىندىسى بويىنشا تەڭگە باعامى ءبىر ا ق ش دوللارى ءۇشىن 458,24 تەڭگەگە دەيىن 2,4 پايىزعا نىعايدى، دەپ حابارلايدى Kazinform ق ر ۇلتتىق بانكىنىڭ رەسمي سايتىنا سىلتەمە جاساپ.
قازاقستان قور بيرجاسىنداعى ساۋدا-ساتتىقتىڭ ءبىر كۇندەگى ورتاشا كولەمى ءبىر ايدا 155 تەن 192 ميلليون ا ق ش دوللارىنا دەيىن ۇلعايدى. ساۋدا-ساتتىقتىڭ جالپى كولەمى 4,2 ميلليارد ا ق ش دوللارىن قۇرادى.
قاراجاتتى رەسپۋبليكالىق بيۋجەتكە جىبەرۋ ءۇشىن ۇلتتىق قوردان ترانسفەرتتەردى قامتاماسىز ەتۋ جانە «قازمۇنايگاز» ۇ ك ا ق اكسيالارىن ساتىپ الۋ ءۇشىن قاراشادا 1320 ميلليون ا ق ش دوللارى مولشەرىندە ۆاليۋتا ساتىلدى. ۇلتتىق قوردان ساتۋ ۇلەسى ساۋدا-ساتتىقتىڭ جالپى كولەمىنەن 31 پايىز بولدى جانە ءبىر كۇندە 60 ميلليون ا ق ش دوللارىنان اسپادى. ۇلتتىق قوردىڭ قاراجاتىمەن وپەراتسيالار جۇرگىزۋ كەزىندە ۇلتتىق بانك نارىقتىق بەيتاراپتىق قاعيداتىن ساقتايدى، بۇل شەتەل ۆاليۋتاسىن تۇراقتى جانە بىركەلكى ساتۋدى بىلدىرەدى. وسى پراكتيكا ۇلتتىق قور وپەراتسيالارىنىڭ ۆاليۋتا نارىعىنا اسەرىن بارىنشا ازايتۋعا مۇمكىندىك بەرەدى.
ب ج ز ق زەينەتاقى اكتيۆتەرىنىڭ ۆاليۋتالىق ۇلەسىن 30 پايىز دەڭگەيىندە ۇستاپ تۇرۋ ماقساتىندا ۇلتتىق بانك قاراشادا بيرجالىق ساۋدا-ساتتىقتا شەتەل ۆاليۋتاسىن ساتىپ الۋدى جالعاستىردى، ونىڭ جالپى سوماسى 200 ميلليون ا ق ش دوللارى نەمەسە نارىقتىڭ جالپى كولەمىنەن شامامەن 5 پايىزىن قۇرادى.
ۇلتتىق بانك «قازاقستاننىڭ دەپوزيتتەرگە كەپىلدىك بەرۋ قورى» ا ق (ق د ك ق) اكتيۆتەرىنىڭ ۆاليۋتالىق ۇلەسىن ۇلعايتۋ ماقساتىندا قاراشادا 70 ميلليون ا ق ش دوللارى مولشەرىندە ۆاليۋتانى ساتىپ الدى.
ۇلتتىق بانك قاراشادا ۆاليۋتالىق ينتەرۆەنتسيالار جۇرگىزگەن جوق.
