قاراعاندىنى سۋ باستى: ادامدار، كولىكتەر ءجۇزىپ ءجۇر

 قاراعاندى قالاسىنىڭ بىرنەشە كوشەسى قاتتى جاڭبىردان كەيىن سۋ استىندا قالدى. 

28 қыркүйекке арналған ауа райы болжамы
Фото: ҚазАқпарат ХАА

قالا بيلىگى جولداردا جينالعان جاڭبىر سۋىن تەزىرەك اعىزۋ ءۇشىن كارىز قۇدىقتارىنىڭ قاقپاعىن اشتى، دەپ حابارلايدى قازاقپارات ءتىلشىسى.

قاراعاندىدا نوسەر ءبىر ساعاتقا عانا سوزىلدى، ءبىراق وسى ۋاقىت ىشىندە كەنشىلەر استاناسى توپان سۋ استىندا قالدى. جاڭبىردان ەڭ كوپ زارداپ شەككەن ەكى ۋچاسكە - ن. ءابدىروۆ داڭعىلى مەن ەرۋبايەۆ كوشەسىنىڭ قيىلىسى، سونداي- اق ۆوكزال ماڭىنداعى الاڭ. جاعدايدى جەدەل شەشۋ ءۇشىن قالا بيلىگى سۋاعارلاردىڭ قاقپاقتارىن اشتى.

«وسى ساتتە قالىپتاسقان جاعدايعا كەلەر بولساق. بۇل جاڭبىر قاراپايىم ەمەس، نوسەر جاڭبار بولدى. بۇلتتار ءبىر ساعات بويى ءتونىپ تۇرعانىمەن، جاۋىن- شاشىن مولشەرى كەرەمەت كوپ بولدى. الەۋمەتتىك جەلىلەردە جولداردا، وتكەلدەردە، اۋلالاردا باسقا جەردە سۋ جينالعانى تۋرالى بەينەروليكتەر جاريالانىپ جاتىر. قازىرگى ۋاقىتتاعى جاعدايدى ناقتىلاعىم كەلەدى. قالاداعى بارلىق سۋاعار جۇيەسى، وسىعان دەيىن ءبىز تازالاعان جانە قىزمەت كورسەتىپ جاتقان بارلىق سۋاعارلار جۇمىس كۇيىندە. ءبىر ۋاقىتتا وسىنداي كوپ مولشەردە كەلەتىن سۋدى ءبىزدىڭ نوسەراعارلار قابىلداۋعا قاۋقارسىز. سونىمەن قاتار، قازىر سۋاعارلار قاقپاقتارىن اشۋ تۋرالى شەشىم قابىلداندى، ءبىراق ولار سۋدىڭ بارلىق مولشەرىن قابىلداۋ ءۇشىن ءسال ۋاقىت قاجەت. سونىمەن قاتار، كەيبىر جەرلەردە جاڭبىر اعاش جاپىراقتارىن ءتۇسىرىپ، سالدارىنان قاقپاقتار بىتەلىپ قالدى. سوندىقتان بارلىق قاقپاقتاردى اشۋ تۋرالى شەشىم قابىلداندى»، - دەپ ءتۇسىندىردى قالا اكىمى مەيرام كوجۋحوۆ.

قالا باسشىسىنىڭ ايتۋىنشا، قازىرگى ۋاقىتتا قالا بويىنشا جاعداي تۇراقتالدى. ول الەۋمەتتىك جەلىدەگى پاراقشاسىندا ءار ساعات سايىن جاعدايدى بايانداۋعا ۋادە بەردى.

سۋ باسقان ەكى ۋچاسكەگە كەلەتىن بولساق، بۇل كوشەلەر قالانىڭ ەڭ تومەنگى بولىگىندە ورنالاسقان. الايدا، قازىرگى ۋاقىتتا جينالعان جاڭبىر سۋىنىڭ باسىم بولىگى اعىزىلدى.

دەگەنمەن، قالا بيلىگى جاڭبىر قايتالاناتىن جاعدايدا دايىن بولۋى ءۇشىن تۇنگى كەزەكشىلىك ۇيىمداستىرماق.

Посмотреть эту публикацию в Instagram

Публикация от Денис Денски (@denski_blog)

Посмотреть эту публикацию в Instagram

Публикация от Денис Денски (@denski_blog)

سوڭعى جاڭالىقتار