قاراعاندىدا سوققىعا جىعىلعان جەدەل جاردەم جۇرگىزۋشىسى ءمان-جايدىڭ قالاي بولعانىن ايتتى

Избитый в Караганде водитель «неотложки»
Фото: кадр из видео

 استانا. KAZINFORM - جەدەل جاردەم كولىگىنىڭ جۇرگىزۋشىسى وقىس وقيعانىڭ قالاي وربىگەنىن ايتىپ بەردى. ونىڭ سوزىنشە، شابۋىل جاساعان ەر ادام ءاۋ باستان اگرەسسيۆتى بولعان. 

جەدەل جاردەم جۇرگىزۋشىسى دارىگەرلەردى قاراعاندىداعى كوپقاباتتى ۇيلەردىڭ ءبىرىنىڭ اۋلاسىنا شاقىرتۋعا الىپ كەلگەندە، ەر ادام ونى سوققىعا جىققان.

- بىزدە قالىپتى كۇن بولاتىن. شامامەن ساعات 23:57 دە قوڭىراۋ ءتۇستى، ءبىز تەز ارادا 2- بلوكقا، №30 ۇيگە باردىق. ءبىزدىڭ فەلدشەرلەر جەدەلدەتىپ ۇيگە كىرىپ كەتتى، سەبەبى ول جەردە ءبىر جاسار بالا اۋىرىپ جاتقان ەدى، - دەيدى جەدەل جاردەم جۇرگىزۋشىسى تورەعالي بەرىكقالي ۇلى.

ونىڭ ايتۋىنشا، فەلدشەرلەردىڭ ءبىرى 4-5 مينۋتتان كەيىن ۇيدەن شىعىپ، پلانشەتكە بلانكىلەردى تولتىرا باستاعان. ءبىر- ەكى مينۋتتان كەيىن تۋمبوچكا كوتەرىپ كەلە جاتقان جاس جىگىتپەن جانجال باستالدى. جەدەل جاردەم ونىڭ جولىن بوگەپ تۇرعاندىقتان ەر ادام ادەپسىز سوزدەر ايتقان.

- مەن وعان شاقىرتۋدا تۇرعانىمدى جانە كەتە المايتىنىمدى ءتۇسىندىردىم. ال ول كەتىپ قالعان سياقتى بولدى. الايدا، كەيىن ول تۋمبوچكاسىز قايتىپ كەلىپ، تاعى دا بالاعات سوزدەر ايتا باستادى. مەن كولىكتەن ءتۇستىم، سول كەزدە فەلدشەر تەلەفونىنا نە بولىپ جاتقانىن تۇسىرە باستادى، سەبەبى ەر ادام اگرەسسيۆتى بولدى. مەن وعان ناۋقاستى، بالانى قاراۋعا كەلگەنىمىزدى تۇسىندىرۋگە تىرىستىم. ءبىراق ول مەنى تىڭدامادى،- دەيدى تورەعالي بەرىكقالي ۇلى.

اشۋلانعان ەر ادام ەشتەڭەگە قۇلاق اسپاي، جۇرگىزۋشىنىڭ بەتىنەن بىرنەشە رەت سوققى بەرگەندە، سول جاق كوزى ءىسىپ كەتەدى. جۇرگىزۋشى رولگە يە بولا الماعاندىقتان، دارىگەرلەر ەكىنشى توپ پەن پوليتسيانى شاقىرۋعا ءماجبۇر بولدى.

ەستەرىڭىزگە سالا كەتەيىك، كەشە قاراعاندى ​​تۇرعىنى جەدەل جاردەم جۇرگىزۋشىسىن ۇرىپ- سوققان بولاتىن. پوليتسەيلەر توبەلەسكەن ادامنىڭ كىم ەكەنىن انىقتادى. قازىرگى ۋاقىتتا شابۋىل جاساعان ادامدى ۇستاۋ جۇمىستارى جۇرگىزىلۋدە.

جەدەل جاردەم جۇرگىزۋشىسىنىڭ سوققىعا جىعىلعانى تۋرالى ۆيدەو پايدا بولعاننان كەيىن ق ر دەنساۋلىق ساقتاۋ مينيسترلىگىنىڭ باسشىسى اجار عينيات ۇندەۋ جاريالاپ، بۇل وقيعانىڭ بارىسى جەكە باقىلاۋىندا بولاتىنىن ايتتى.

سوڭعى جاڭالىقتار