قاراعاندىدا قىلمىستىق توپتىڭ 25 مۇشەسى ۇستالدى
قاراعاندى. KAZINFORM - قاراعاندى وبلىسىندا ۇيىمداسقان قىلمىسقا قارسى كۇرەس باسقارماسىنىڭ جەدەل ۋاكىلدەرى پروكۋراتۋرامەن بىرلەسىپ، قىلمىستىق توپتىڭ ارەكەتىنە توسقاۋىل قويدى، - دەپ حابارلايدى Polisia.kz.
جەدەل ىزدەستىرۋ ءىس- شارالارى بارىسىندا وسى توپتىڭ 12 قىلمىسقا قاتىسى بارى انىقتالدى. جابىرلەنۋشىلەر - «قارمەت» ا ق قىزمەتكەرلەرى، جەكە كاسىپكەرلەر جانە جوعارى وقۋ ورىندارىنىڭ ستۋدەنتتەرى.
كۇدىكتىلەر قوعامدىق ءتارتىپتى ورەسكەل بۇزا وتىرىپ، قىلمىس جاساعان. ولار ۇرىپ-سوعۋمەن، مۇلىكتى تارتىپ الىپ، اقشا بوپسالاۋمەن اينالىسقان.
- جالپى توپتىڭ 25 مۇشەسى ۇستالدى. ونىڭ ىشىندە ەڭ بەلسەندى 10 ادام قاماۋعا الىندى. ءتىنتۋ بارىسىندا اتىس جانە سۋىق قارۋ، وق-ءدارى، ءدىني ادەبيەت پەن ءىرى كولەمدە قاراجات تاركىلەندى. قازىرگى تاڭدا ولاردىڭ باسقا دا قىلمىستارعا قاتىسى بار-جوعى تەكسەرىلىپ جاتىر. باسقا اقپارات تەرگەۋ مۇددەسىندە جاريا ەتىلمەيدى، - دەدى دەپارتامەنت باستىعى - ءى ءى م رەسمي وكىلى شىڭعىس الەكەشەۆ.
