قاراعاندىدا لاۋازىمدى پوليتسەي جول اپاتىنان كوز جۇمدى
قاراعاندى پوليتسيا باسقارماسى باستىعىنىڭ ورىنباسارى-پوليتسيا پولكوۆنيگى بەكجان قۇساينوۆ 53 جاسىندا ومىردەن ءوتتى.
پولكوۆنيك قۇسايىنوۆتىڭ قازا تاپقانى تۋرالى اقپاراتتى ءوڭىردىڭ پوليتسيا دەپارتامەنتى باسپا ءسوز قىزمەتى راستادى. ۆەدومستۆو مالىمەتىنشە، بەكجان قۇسايىنوۆ ەڭبەك دەمالىسىندا بولعان كەزىندە ءوز كولىگىمەن جول اپاتىنا تۇسكەن. وقيعا قارقارالى ماڭىندا بولعان. ول تىزگىنگە يە بولا الماي بۇرىلىستا جولدىڭ شەتىنە شىعىپ كەتكەن بولۋى مۇمكىن.
«قاراعاندى وبلىسى پوليتسيا دەپارتامەنتىنىڭ باسشىلىعى، ارداگەرلەر كەڭەسى جانە جەكە قۇرامى مارقۇمنىڭ تۋعان-تۋىستارى مەن جاقىندارىنا ورىنى تولماس قايعىلارىنا ورتاقتاسىپ كوڭىل ايتادى. بەكجان تولەۋ ۇلىنىڭ جارقىن بەينەسى جۇرەگىمىزدە ماڭگى ساقتالادى»، - دەپ جازىلعان حابارلامادا.
ۆەدومستۆو مالىمەتىنشە، بەكجان تولەۋ ۇلى 30 جىلدان اسا ءومىرىن وتانعا قىزمەت ەتۋگە، قوعامدىق قاۋىپسىزدىك پەن قۇقىقتىق ءتارتىپتى قورعاۋعا ارناعان. ول قىزمەت جولىن 1992-جىلى قاراعاندى وبلىسى، قارقارالى اۋداندىق ىشكى ىستەر بولىمىندە پاترۋلدىك-بەكەت قىزمەتىندە ميليتسيونەر لاۋازىمىنان باستاعان.
قىزمەت باسپالداعىنىڭ بارلىق ساتىسىنان وتكەن بەكجان تولەۋ ۇلى ءار جىلدارى جاۋاپتى لاۋازىمداردا قىزمەت ەتىپ، كەيىنگى جىلدارى قالالىق پوليتسيا باسقارماسى باستىعىنىڭ ورىنباسارى لاۋازىمىندا ەڭبەك ەتكەن.
