قاراعاندىدا ەكى بالانىڭ ءمايىتى تابىلدى
استانا. KAZINFORM - قاراعاندى وبلىسىنىڭ تۇرعىنى ءوز بالالارىن ءولتىردى دەگەن كۇدىككە ءىلىندى. سۇمدىق قىلمىس بۇقار جىراۋ اۋدانىنا قاراستى شاعىن اۋىلداردىڭ بىرىندە بولعان.
قاراعاندى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، 2 جانە 4 جاستاعى بالالار زورلىق-زومبىلىق بەلگىلەرىمەن تابىلعان.
اۋىل تۇرعىندارى اناسى بالالارىن تۇنشىقتىرىپ ولتىرگەنىن ايتادى. ونىڭ مۇنداي ارەكەتكە نە ءۇشىن بارعانى بەيمالىم.
قاراعاندى وبلىستىق پوليتسيا دەپارتامەنتىنىڭ باسپا ءسوز قىزمەتى وقيعاعا قاتىستى تۇسىنىكتەمە بەردى.
«4-ساۋىردە بۇقار جىراۋ اۋدانىنداعى ەلدى مەكەندەردىڭ بىرىندە زورلىق-زومبىلىق بەلگىسى بار 2 جانە 4 جاستاعى بالالاردىڭ ءمايىتى تابىلدى. سوتقا دەيىنگى تەرگەۋ باستالدى. قىلمىس جاسادى دەگەن كۇدىكپەن بالالاردىڭ اناسى ۇستالدى. ول ۋاقىتشا ۇستاۋ يزولياتورىنا قامالدى. ساراپتاما تاعايىندالدى»، - دەپ حابارلادى وبلىستىق پوليتسيا دەپارتامەنتىنىڭ باسپا ءسوز قىزمەتى.
ۆەدومستۆو تەرگەۋ مۇددەسىنە ساي وزگە اقپاراتتى جاريالاۋعا بولمايتىنىن ايتتى.
