قاراعاندىدا كولىك جۇرگىزىپ كەلە جاتقان ەر ادام ينسۋلت الدى

استانا. KAZINFORM - قاراعاندىدا پوليتسەيلەر ينسۋلت الىپ ەسىنەن تانعان جۇرگىزۋشىنى قۇتقاردى. وقيعا مايقۇدىقتا بولدى.

8-ناۋرىز كۇنى قاراعاندى قالالىق پب پاترۋلدىك پوليتسيا پولكىنىڭ ينسپەكتورلارى مۇقاجان اقجاركەن مەن بەرىك كەڭەسوۆ جۇرگىزۋشىنى قۇتقارىپ قالدى. پوليتسەيلەر قالا اۋداندارىنىڭ بىرىندە كەزەكشىلىك اتقارىپ جۇرگەندە ساعات 15:00-گە قاراي ولارعا كولىك كەلىپ، جۇرگىزۋشىسى 19-شى شاعىن اۋدان كوشەلەرىنىڭ قيىلىسىندا توتەنشە جاعداي ورىن العانىن حابارلادى. پوليتسەيلەر وقيعا ورنىنا بىرنەشە مينۋتتا جەتتى.

«قيىلىستا جول جيەگىنە شىعىپ كەتكەن كولىكتى كوردىك. كولىك ونىڭ ۇستىنە ءىلىنىپ، ءبىر دوڭگەلەگى اينالىپ تۇرعان. كولىكتىڭ ەسىگى قۇلىپتاۋلى ەدى. مەن الدىڭعى جولاۋشى جاعىنداعى تەرەزە اينەگىن سىندىرىپ، سالونعا ءتۇستىم. ىشتەگى ەر ادامدى سىرتقا الىپ شىقتىق. ودان ينسۋلت بەلگىلەرى انىق بولدى - جۇرگىزۋشىدە قۇرىسۋلار بولىپ، ال ءتىلى تىنىس الۋ جولدارىن بىتەپ تاستادى. ءبىز مۇنداي جاعدايلاردا قالاي ارەكەت ەتۋ كەرەكتىگىن ءبىلىپ، ەر ادامعا العاشقى مەديتسينالىق كومەك كورسەتتىك. ول ءبىزدىڭ كوز الدىمىزدا ەسىن جيا باستاعاندا، جەڭىل دەم الدىق. وسىدان كەيىن ەر ادام مەديتسينالىق مەكەمەگە جەتكىزىلدى. دارىگەرلەردىڭ ايتۋىنشا، ونىڭ جاعدايى وتە اۋىر بولعان. پوليتسەيلەر بىرنەشە مينۋت كەشىكسە، ۇلگەرە الماس ەدى. قازىر دارىگەرلەر ناۋقاستىڭ جاعدايىن تۇراقتى دەپ باعالاپ وتىر»، - دەيدى مۇقاجان اقجاركەن.

جۇرگىزۋشى ينسۋلت العانى بەلگىلى بولدى. دارىگەرلەردىڭ ايتۋىنشا، ونىڭ جاعدايى وتە اۋىر بولعان. قازىرگى تاڭدا دارىگەرلەر ناۋقاستىڭ جاعدايىن تۇراقتى دەپ باعالاپ وتىر.

اۆتور
زارينا تۋعانبايەۆا