قاراعاندىدا جەر ۇيدە جارىلىس بولىپ، ءۇيىندى استىنان ەكى ادام شىعارىلدى

قاراعاندى. KAZINFORM - بۇگىن تاڭعى 03:30 شاماسىندا قاراعاندى قالاسىندا ەكى وتباسىنا ارنالعان تۇرعىن ۇيدە جارىلىس بولدى.

ناقتىلانعان اقپارات بويىنشا بۋ جىلىتۋ قازاندىعى جارىلىپ، سالدارىنان تۇرعىن ءۇيدىڭ قۇرىلىس كونسترۋكسيالارى بۇزىلعان.

ورتكە قارسى قىزمەت كەلگەنگە دەيىن 2№ پاتەردەن 5 ادام، ونىڭ ىشىندە 2 بالا ءوز بەتىمەن شىقتى.

ت ج د كۇشىمەن ءۇيىندى استىنان 1966-جىلى تۋعان ەر ادام مەن 2008-جىلى تۋعان قىز بالا شىعارىلىپ، مەديتسينالىق جەدەل جاردەم بريگاداسىنا بەرىلدى.

24 ادام جانە 6 تەحنيكا جۇمىلدىرىلدى.