قاراعاندىدا ءۇيدىڭ نەدەن جارىلعانى بەلگىلى بولدى

قاراعاندى. KAZINFORM - قاراعاندىلىق توتەنشە جاعداي ماماندارى جەر ۇيدە بولعان جارىلىستىڭ الدىن الا سەبەبىن ايتتى.

وبلىستىق ت ج د قۇتقارۋشىلارى وقيعا ورنىندا ءۇيىندىنى بولشەكتەپ جاتىر.

«جارىلعان ءۇيدىڭ ءۇيىندىسىنىڭ اراسىنان 5 ليترلىك ەكى گاز بالونى تابىلدى. ونىڭ بىرەۋى جارىلعان. بۇل گاز جارىلعانى تۋرالى بولجامدى شامامەن دالەلدەيدى. جۇمىس جالعاسىپ جاتىر» دەپ حابارلادى ت ج م باسپا ءسوز قىزمەتىنەن.

ەسكە سالا كەتەيىك، بۇگىن تاڭعى 03:30 شاماسىندا قاراعاندى قالاسىندا ەكى وتباسىنا ارنالعان تۇرعىن ۇيدە جارىلىس بولدى.

ءۇيدى جىلىتاتىن بۋ قازاندىعى جارىلىپ، سالدارىنان عيمارات وپىرىلىپ قالعان.

ت ج د كۇشىمەن ءۇيىندى استىنان 1966-جىلى تۋعان ەر ادام مەن 2008-جىلى تۋعان قىز بالا شىعارىلىپ، مەديتسينالىق جەدەل جاردەم بريگاداسىنا بەرىلدى.