قاراعاندى وبلىسىندا ءسىبىر جاراسىنىڭ انىقتالۋى: ناۋقاستاردىڭ ءبىرى جان تاپسىردى

 قاراعاندى وبلىسىنىڭ دەنساۋلىق ساقتاۋ باسقارماسى دارىگەرلەردىڭ قابىلداعان بارلىق شارالارىنا قاراماستان، ءسىبىر جاراسىن جۇقتىرىپ، جان ساقتاۋ بولىمىندە جاتقان 1948 -جىلعى پاتسيەنت قايتىس بولعانىن مالىمدەدى، دەپ حابارلايدى Kazinform. 

«پاتسيەنتتىڭ ولىمىنە ءسىبىر جاراسى اۋرۋىنىڭ اۋىر ساتىسى جانە قاتار جۇرەتىن اۋىر دەرتتەردىڭ بولۋى سەبەپ بولدى. سونىمەن قاتار، ناۋقاستىڭ مەديتسينالىق كومەككە كەش جۇگىنۋى دە ءوز اسەرىن تيگىزدى»، - دەپ حابارلادى قاراعاندى وبلىسىنىڭ دەنساۋلىق ساقتاۋ باسقارماسى.

ءسىبىر جاراسىن جۇقتىرعان قالعان ەكى پاتسيەنتكە كەلەتىن بولساق، ولاردىڭ جاعدايى تۇراقتى، دارىگەرلەردىڭ ۇنەمى باقىلاۋىندا.

ەسكە سالساق، قاراعاندى وبلىسىنىڭ توپار كەنتىندە كارانتين جاريالاندى. ەلدى مەكەننەن ءسىبىر جاراسى تابىلدى. كەيىن كەنتتە تاعى ءۇش ادامنىڭ وسى دەرتتى جۇقتىرعانى بەلگىلى بولدى. 

دارىگەرلەر ءبىر پاتسيەنت اۋىر حالدە دەپ حابارلاعان ەدى.

ءسىبىر جاراسىنىڭ وشاعى انىقتالعان توپار كەنتىنەن جەتكىزىلگەن ءتورتىنشى پاتسيەنتتىڭ تالداۋى تەرىس(اۋرۋ جۇقتىرماعان) ناتيجە كورسەتتى.

ايتا كەتەيىك، ولار اۋىرعان مالدىڭ ەتىنەن جۇقتىرعان. 

اۆتور

ايزادا اگيلبايەۆا