21:14, 21 - جەلتوقسان 2023 | GMT +5
قاراعاندى وبلىسىندا ادامداردى تىستەگەن قاسقىردىڭ كوزى جويىلدى - پوليتسيا
قاراعاندى وبلىسىندا ادامداردى تىستەپ العان قاسقىر تابىلىپ، كوزى جويىلدى، - دەپ حابارلايدى وبلىستىق پوليتسيا دەپارتامەنتى.
21- جەلتوقساندا قاسقىردىڭ ءۇش ادامعا شابۋىل جاساعانى بەلگىلى بولدى، زارداپ شەككەندەر اۋرۋحاناعا جەتكىزىلدى. پوليتسەيلەر ۆەتەريناريا قىزمەتكەرلەرىمەن بىرگە جابايى جانۋاردى ىزدەستىرۋ جانە كوزىن جويۋ جۇمىسىن باستادى.
«پوليتسەيلەر قاراعاندى وبلىسى قارقارالى قالاسىنىڭ تۇرعىندارىن تىستەپ، جاراقاتتاعان جابايى جانۋاردى انىقتاپ، كوزىن جويدى»، - دەپ حابارلادى وبلىستىق پوليتسيا دەپارتامەنتىنىڭ باسپا ءسوز قىزمەتى.
