قاراعاندى وبلىسىندا 4 ميلليون تەڭگە پارا بەرۋگە يتەرمەلەگەن ادۆوكات سوتتالدى
استانا. KAZINFORM - قاراعاندىلىق ادۆوكات قورعاۋشىسىن لاۋازىمدى تۇلعاعا (سوتقا دەيىنگى تەرگەپ- تەكسەرۋ باستىعى) دەلدال ارقىلى 4000000 تەڭگە كولەمىندە پارا بەرۋگە كوندىرگەن. اتالعان سومانى بەرۋ كەزىندە ادۆوكاتتى ۇلتتىق قاۋىپسىزدىك كوميتەتى قاراعاندى وبلىسى بويىنشا دەپارتامەنتىنىڭ قىزمەتكەرلەرى ۇستادى. بۇل تۋرالى قاراعاندى قالاسى قازىبەك ءبي اۋداندىق سوتى حابارلايدى.
سوتقا دەيىنگى تەرگەۋ ورگاندارىنان ە. -گە قىلمىستىق كودەكستىڭ 24-بابى 3-بولىگى، 190-بابى 3-بولىگى 1-تارماعى بويىنشا (الاياقتىققا بارۋ، ياعني الداۋ جانە سەنىمگە كىرۋ ارقىلى ءىرى كولەمدە بوتەننىڭ مۇلكىن ۇرلاۋ)، سونداي-اق قىلمىستىق كودەكستىڭ 28-بابى 4-تارماعى، 367-باپتىڭ 2-بولىگى بويىنشا (دەلدال ارقىلى لاۋازىمدى تۇلعاعا ايتارلىقتاي مولشەردە پارا بەرۋگە ارانداتۋ) ايىپ تاعىلدى.
«ازامات ە. قاراعاندى وبلىستىق ادۆوكاتتار القاسىنىڭ مۇشەسى جانە ءوزىنىڭ ادۆوكاتتىق قىزمەتىن جۇزەگە اسىرا وتىرىپ، بيۋجەت قاراجاتىن ۇرلاۋعا كۇدىكتى س. -مەن زاڭ كومەگىن كورسەتۋ تۋرالى شارت جاساستى، بۇل رەتتە قىلمىستىق ءىستى سىبايلاس جەمقورلىققا قارسى ءىس-قيمىل اگەنتتىگىنىڭ قاراعاندى وبلىسى بويىنشا دەپارتامەنتىنىڭ قىزمەتكەرلەرى تەكسەرەدى. زاڭ قىزمەتتەرىن كورسەتۋ بارىسىندا ە. س. -نى دەلدال ارقىلى لاۋازىمدى تۇلعاعا (سوتقا دەيىنگى تەرگەپ-تەكسەرۋ باستىعى) 4000000 تەڭگە مولشەرىندە پارا بەرۋگە كوندىردى، كورسەتىلگەن سومانى بەرۋ كەزىندە ە. - ءنى ۇ ق ك قاراعاندى وبلىسى بويىنشا دەپارتامەنتىنىڭ قىزمەتكەرلەرى ۇستادى، - دەلىنگەن سوت حابارلاماسىندا.
دالەل رەتىندە سوتتىڭ باسپا ءسوز قىزمەتى جابىرلەنۋشىنىڭ ايعاقتارىن، ءىستىڭ جازباشا ماتەريالدارىن، اتاپ ايتقاندا، ارنايى ءىس- شارالاردىڭ ناتيجەلەرى مەن بەينەجازبالاردى ۇسىندى.
پروكۋرور سوتتان كۇدىكتىگە 3,6 جىلعا باس بوستاندىعىنان ايىرۋ جازاسىن تاعايىنداۋدى سۇرادى.
قورعاۋشى سوتتان باس بوستاندىعىنان ايىرماۋدى سۇرادى، ويتكەنى كۇدىكتى دەنساۋلىق جاعدايى بويىنشا ءى ءى م زەينەتكەرى، سوزىلمالى اۋرۋلارى بار جانە كىناسىن تولىق مويىندادى. ءىس بويىنشا سوتقا دەيىنگى جەدەل تەرگەۋ جۇرگىزىلدى.
سوت قانداي جازا تاعايىندادى
ق ك- ءنىڭ 367-بابىنىڭ 2-بولىگىنىڭ سانكتسياسى پارانىڭ وتىزدان قىرىق ەسە سوماسى مولشەرىندە ايىپپۇل تۇرىندەگى جازانى نە بەلگىلى ءبىر لاۋازىمدى اتقارۋ نەمەسە بەلگىلى ءبىر قىزمەتپەن اينالىسۋ قۇقىعىنان ءومىر بويىنا ايىرا وتىرىپ، مۇلكى تاركىلەنىپ، ءۇش جىلدان جەتى جىلعا دەيىنگى مەرزىمگە باس بوستاندىعىنان ايىرۋدى كوزدەيدى.
ق ك- ءنىڭ 190-بابى 3-بولىگىنىڭ سانكسياسى ءۇش جىلدان جەتى جىلعا دەيىنگى مەرزىمگە باس بوستاندىعىن شەكتەۋ نە سول مەرزىمگە باس بوستاندىعىنان ايىرۋ تۇرىندەگى جازانى كوزدەيدى.
سوت كىنانى ە. - ءنىڭ شىن جۇرەكتەن وكىنۋىن جەڭىلدەتەتىن جاعداي دەپ تانىدى. سونىمەن قاتار، سوت سوتتالۋشىنىڭ ءىس-ارەكەتىندە كىنانى اۋىرلاتاتىن ءمان-جايدى انىقتاعان جوق.
«جوعارىدا اتالعان جايتتاردى ەسكەرە وتىرىپ، سوت ۇدەمەلى سوتقا دەيىنگى تەرگەپ-تەكسەرۋ ىستەرى بويىنشا جازانىڭ نەگىزگى ءتۇرىنىڭ مەرزىمى نەمەسە مولشەرى كودەكستىڭ ەرەكشە بولىگىنىڭ ءتيىستى بابىندا كوزدەلگەن ەڭ جوعارى مەرزىمنىڭ نەمەسە مولشەردىڭ جارتىسىنان اسپايتىن ق ك- ءنىڭ 55-بابىنىڭ 3-بولىگىنىڭ قاعيدالارىن قولداندى. سونداي-اق، ق ك- ءنىڭ 56-بابىنىڭ 3-بولىگى، وندا قىلمىسقا وقتالعانى ءۇشىن جازانىڭ مەرزىمى نەمەسە مولشەرى قىلمىستىق كودەكستىڭ ەرەكشە بولىگىنىڭ ءتيىستى بابىندا كوزدەلگەن جازانىڭ نەگىزگى ءتۇرىنىڭ ەڭ جوعارعى مەرزىمىنىڭ نەمەسە مولشەرىنىڭ تورتتەن ۇشىنەن اسپاۋى ءتيىس»، - دەپ ناقتىلادى باسپا ءسوز قىزمەتى.
سوتتىڭ 2024-جىلعى 22-قاراشاداعى ۇكىمىمەن ە. -گە مەملەكەتتىك قىزمەتتە، سۋديادا، جەرگىلىكتى ءوزىن-ءوزى باسقارۋ ورگاندارىندا، ۇلتتىق بانكتە جانە ونىڭ ۆەدومستۆولارىندا، رەتتەۋ، باقىلاۋ جانە رەتتەۋ جونىندەگى ۋاكىلەتتى ورگاندا لاۋازىمداردى اتقارۋعا ءومىر بويى تىيىم سالا وتىرىپ، 2 جىلعا 7 ايعا پروباتسيالىق باقىلاۋ بەلگىلەي وتىرىپ، باس بوستاندىعىن شەكتەۋدىڭ 2 جىلى 7 ايى تاعايىندالدى. قارجى نارىعىن جانە قارجى ۇيىمدارىن، مەملەكەتتىك ۇيىمداردى جانە كۆازيمەملەكەتتىك سەكتور سۋبەكتىلەرىن قاداعالاۋ.
سوت ۇكىمى زاڭدى كۇشىنە ەنگەن جوق.
وسىعان دەيىن اقتوبەدە دەپو باستىعى پارا الىپ سوتتالعانى تۋرالى جازدىق.
