قاراعاندى- استانا تراسساسىندا 5 ادام مەرت بولدى
قاراعاندى- استانا تراسساسىندا 5 ادام قازا تاپتى. kazinform اگەنتتىگى بۇل تۋرالى polisia.kz-كە سىلتەمە جاساپ حابارلايدى.

جول- كولىك اپاتى، بۇگىن ساعات 15.00 شاماسىندا "قاراعاندى- استانا" تاسجولىندا بولعان. وساكاروۆ اۋدانىنان 50 شاقىرىم جەردە ەلورداعا باعىت العان "Ford Ranger" اۆتوكولىگىنىڭ جۇرگىزۋشىسى الدىن الا بولجام بويىنشا رۋلگە يە بولا الماي قالىپ، جولدى جوندەپ جاتقان جۇمىسكەردى قاعىپ كەتكەن. كەيىن ينەرتسيامەن جول شەتىندە تۇرعان كاماز- عا سوعىلعان.
سالدارىنان جول جۇمىسكەرى، "Ford Ranger" اۆتوكولىگىنىڭ جۇرگىزۋشىسى جانە سول كولىكتە بولعان 3 جولاۋشى وقيعا ورنىندا مەرت بولدى.
«اتالعان دەرەك بويىنشا ق ر قىلمىستىق كودەكسىنىڭ 345-بابى 4-تارماعىنا سايكەس قىلمىستىق ءىس قوزعالدى. ءتيىستى ساراپتامالار تاعايىندالدى. تەرگەۋ ارەكەتتەرى جۇرگىزىلىپ جاتىر»، - دەدى قاراعاندى وبلىسىنىڭ پوليتسيا دەپارتامەنتى باستىعىنىڭ ءبىرىنشى ورىنباسارى قۇرمانعالي ىسماعۇلوۆ.
