قار مەن كوكتايعاق قاۋپى: 4 وڭىردە جول جاعدايى ناشارلاۋى مۇمكىن
استانا. KAZINFORM - بۇگىن الماتى، اباي، شىعىس قازاقستان جانە جەتىسۋ وبلىستارىندا قار ارالاس جاڭبىر مەن قار جاۋىپ، رەسپۋبليكالىق جولداردا كوكتايعاق ءقاۋپى تۋىنداۋى مۇمكىن. جۇرگىزۋشىلەرگە ساق بولۋ ەسكەرتىلدى. بۇل تۋرالى قازاۆتوجول كومپانياسى مالىمدەدى.
- بۇگىن الماتى، اباي، شىعىس قازاقستان جانە جەتىسۋ وبلىستارىندا جاڭبىر ارالاس قار جاۋىپ، كەي جەرلەردە قار كۇتىلەدى. وسىعان بايلانىستى رەسپۋبليكالىق اۆتوجولداردىڭ جەكەلەگەن بولىكتەرىندە كورىنۋ قاشىقتىعى تومەندەپ، جول بەتى تايعاق بولۋى مۇمكىن. جۇرگىزۋشىلەرگە اۋا رايىن ەسكەرىپ، قاۋىپسىز اراقاشىقتىقتى ساقتاۋدى، جول جاعدايىنا قاراي جىلدامدىقتى تاڭداۋدى جانە وقىس مانيەۆر جاساماۋدى ۇسىنامىز،- دەپ ەسكەرتتى كومپانيادان.
بۇعان دەيىن الداعى كۇندەرى اتموسفەرالىق فرونتتاردىڭ وتۋىنە بايلانىستى قازاقستاننىڭ باسىم بولىگىندە جاڭبىر جانە قار تۇرىندە جاۋىن-شاشىن كۇتىلەتىنىن جازدىق. 15-قازاندا ەلدىڭ شىعىسى مەن وڭتۇستىك-شىعىسىندا كەي ۋاقىتتاردا قاتتى جاۋىن-شاشىن (جاڭبىر، قار) بولجانادى. ەلدىڭ شىعىسىندا كوكتايعاق بولادى. تەك رەسپۋبليكانىڭ ورتالىعى مەن وڭتۇستىگىندە جاۋىن-شاشىنسىز اۋا رايى كۇتىلەدى.
