قار مەن كوكتايعاق: 11 وبلىستا جۇرگىزۋشىلەرگە ەسكەرتۋ جاسالدى
استانا. KAZINFORM - قازاقستاننىڭ 11 وبلىسىندا جولدار تايعاق بولۋى مۇمكىن، «قازاۆتوجول» ۇ ك جۇرگىزۋشىلەرگە ەسكەرتۋ جاسادى.
بۇگىن اقمولا، اباي، اقتوبە، الماتى، قاراعاندى، قوستاناي، جەتىسۋ، پاۆلودار، ۇلىتاۋ، باتىس قازاقستان جانە شىعىس قازاقستان وبلىستارىندا قار ارالاس جاڭبىر جاۋىپ، كەي جەرلەردە قار كۇتىلەدى.
- وسىعان بايلانىستى رەسپۋبليكالىق اۆتوجولداردىڭ جەكەلەگەن بولىكتەرىندە كورىنۋ قاشىقتىعى تومەندەپ، جول بەتى تايعاق بولۋى مۇمكىن. جۇرگىزۋشىلەرگە اۋا رايىن ەسكەرىپ، قاۋىپسىز اراقاشىقتىقتى ساقتاۋدى، جول جاعدايىنا قاراي جىلدامدىقتى تاڭداۋدى جانە وقىس مانيەۆر جاساماۋدى ۇسىنامىز،- دەپ ەسكەرتتى ۆەدومستۆو ماماندارى.
وسىعان دەيىن پاۆلودار وڭىرىندە قار باسۋ قاۋپى بار 222 جول ۋچاسكەسى انىقتالعانىن جازدىق.
