22:28, 27 - قاراشا 2024 | GMT +5
قار جاۋىپ، جەل تۇرادى: الداعى 3 كۇندە اۋا رايى قانداي بولادى؟
استانا. KAZINFORM - سينوپتيكتەر قازاقستاندا الداعى ءۇش كۇندە – 28، 29-جانە 30-قاراشادا اۋا رايى قانداي بولاتىنى تۋرالى بولجام جاسادى.
بولجام بويىنشا الداعى ءۇش كۇندە قازاقستاننىڭ باسىم بولىگىندە اۋا رايى تۇراقسىز بولادى. اسىرەسە رەسپۋبليكانىڭ وڭتۇستىك-باتىسىندا جاڭبىر مەن قار تۇرىندەگى جاۋىن-شاشىن، تۇمان، كوكتايعاق، جەلدىڭ كۇشەيۋى كۇتىلەدى. ايدىڭ اياعىنا قاراي رەسپۋبليكانىڭ بارلىق بولىگىندە جاۋىن-شاشىن جاۋىپ، وڭتۇستىكتىڭ تاۋلى ايماقتارىندا قاتتى جاڭبىر مەن قار جاۋۋى مۇمكىن.
«تەمپەراتۋرا فونىندا ايتارلىقتاي وزگەرىستەر كۇتىلمەيدى»، - دەدى مەتەورولوگتار.
ەسكە سالايىق، بۇعان دەيىن سينوپتيكتەر 13 قالا تۇرعىندارىنا ەسكەرتۋ جاساعان ەدى.
