قار، بۇرقاسىن: 7-اقپاندا اۋا رايى قانداي بولادى

استانا. KAZINFORM - سكانديناۆيا ايماقتارىنان كەلەتىن وراسان زور سيكلون قازاقستان اۋماعىنا اسەر ەتەدى. وسىعان بايلانىستى 7-اقپاندا ەلىمىزدە اۋا رايى قۇبىلمالى بولادى.

قازگيدرومەت سينوپتيكتەرىنىڭ بولجامى بويىنشا، ەلىمىزدىڭ باسىم بولىگىندە جاڭبىر، قار جاۋادى.

رەسپۋبليكا بويىنشا تۇمان ءتۇسىپ، كوكتايعاق بولادى، جەل كۇشەيەدى. سولتۇستىك- باتىستا، سولتۇستىكتە، وڭتۇستىكتە، وڭتۇستىك- شىعىستا بۇرقاسىن بولادى، قاتتى جەل تۇرادى.

اقتوبە وبلىسىنىڭ سولتۇستىگىندە، قوستاناي وبلىسىنىڭ وڭتۇستىگى مەن شىعىسىندا، اقمولا وبلىسىنىڭ باتىسى مەن سولتۇستىگى، شىعىسىندا، سولتۇستىك قازاقستان وبلىسىنىڭ وڭتۇستىگى، باتىسى، جامبىل وبلىسىندا تاۋلى ايماقتاردا، تۇركىستان وبلىسىندا داۋىل سوعادى.