قار ارالاس جاڭبىر: قازاۆتوجول جۇرگىزۋشىلەرگە ەسكەرتۋ جاسادى
استانا. KAZINFORM - بۇگىن اقمولا، اباي، پاۆلودار، قاراعاندى، شىعىس قازاقستان جانە سولتۇستىك قازاقستان وبلىستارىندا جاڭبىر ارالاس قار جاۋىپ، كەي جەرلەردە قار جاۋۋى ىقتيمال، دەپ حابارلايدى قازاۆتوجول.
وسىعان بايلانىستى رەسپۋبليكالىق اۆتوجولداردىڭ جەكەلەگەن بولىكتەرىندە جولدىڭ كورىنۋى قيىنداپ، جول بەتى تايعاق بولۋى مۇمكىن.
- جۇرگىزۋشىلەرگە اۋا رايىن ەسكەرىپ، قاۋىپسىز اراقاشىقتىقتى ساقتاۋدى، جول جاعدايىنا قاراي جىلدامدىقتى تاڭداۋدى جانە وقىس مانيەۆر جاساماۋدى ۇسىنامىز،- دەلىنگەن حابارلامادا.
ايتا كەتەيىك، وسىعان دەيىن قازگيدرومەت ءبىرقاتار ءوڭىر بويىنشا كۇن رايىنا بايلانىستى ەسكەرتۋ جاريالادى.
