قاقتىعىستى توقتاتۋ جانە قىرىمدى قايتارۋ: ا ق ش پەن نورۆەگيا باسشىلارى نەنى تالقىلادى

استانا. KAZINFORM – ا ق ش پرەزيدەنتى دونالد ترامپ بەيسەنبى كۇنى اق ۇيدە نورۆەگيا پرەمەر-ءمينيسترى يوناس گار ستەرەمەن كەزدەسىپ، رەسەي-ۋكراينا قاقتىعىسى مەن پايىزدىق مولشەرلەمەلەردى تالقىلادى، دەپ حابارلايدى Spectrum News.

ترامپتىڭ رەسەي مەن ۋكراينانىڭ اتىستى توقتاتۋعا كەلىسۋ ءۇشىن «ءوز مەرزىمى» بار ەكەنىن مالىمدەدى.

- مەنىڭ ءوز مەرزىمىم بار جانە ءبىز ونىڭ تەز بولعانىن قالايمىز، - دەدى دونالد ترامپ.

ا ق ش پرەزيدەنتى بۇل كۇننىڭ ناقتى قاشان بولاتىنىن ناقتىلاعان جوق، ءبىراق نورۆەگيا باسشىسى بۇل ارەكەتتەرگە كومەكتەسىپ جاتقانىن قوسىپ ءوتتى.

ترامپتىڭ حابارلاۋىنشا، رەسەيدىڭ سوعىستى توقتاتىپ، ۋكراينانىڭ «بۇكىل اۋماعىن باسىپ الماۋ» تۋرالى كەلىسىمى ونىڭ تاراپىنان «ۇلكەن جەڭىلدىك» بولدى.

ا ق ش پرەزيدەنتى سوپاق كابينەتتە قىرىمدى ۋكرايناعا قايتارۋ مۇمكىندىگىن «وتە قيىن» دەپ ايتىپ، بۇرىنعى پرەزيدەنت باراك وباما بيلىكتە بولعان كەزدە رەسەيدىڭ بۇل اۋماقتى باقىلاۋعا العانىن اتاپ ءوتتى.

ستەرە امەريكالىق ارىپتەسىنىڭ سوعىستى توقتاتۋعا باعىتتالعان كۇش-جىگەرىن جوعارى باعالادى، بۇل ءساتتى «سىني» دەپ اتاپ، اتىستى توقتاتۋعا شاقىردى.

- بۇل كۇردەلى كورىنىس، ءبىراق ونى شەشۋ ءۇشىن ساياسي ەرىك پەن جىگەر قاجەت، جانە ءبىز بۇل تۋرالى يدەيالارمەن الماستىق، - دەدى ستەرە سوپاق كەڭسەدە.

ترامپ ستەرەنى «ۇلى كوشباسشى» رەتىندە ماقتاپ، نورۆەگيانى «ءوزىنىڭ ىستەپ جاتقانىن جالعاستىرا بەرۋگە» شاقىردى.

ترامپ ا ق ش پەن نورۆەگيا تاريف ماسەلەسىن «تەز» شەشەتىنىنە سەنىمدى بولدى. ا ق ش پرەزيدەنتى نورۆەگيا ا ق ش- تىڭ ساۋدادان دا پايدا كورەتىن «ۋاقىتى جەتكەنىن» تۇسىنەتىنىن حابارلادى.

نورۆەگيا باسشىسىنىڭ ترامپپەن كەزدەسۋىندە سونداي-اق جاقىندا سولتۇستىك اتلانتيكالىق شارت ۇيىمىنىڭ باسشىسى قىزمەتىنەن كەتكەن يەنس ستولتەنبەرگ تە بولدى.

ترامپ ناتونىڭ بۇرىنعى باسشىسىن اسكەري بلوكتاعى قىزمەتىندە «وتە جاقسى جۇمىسى» ءۇشىن ماقتادى.

بۇعان دەيىن ترامپ رەسەي مەن ۋكراينا اراسىنداعى بەيبىت كەلىسىمگە قول قويۋعا تاعى دا شاقىردى.