قانت قوسىلعان شايدى كۇندە ىشسەڭىز نە بولادى؟
استانا. KAZINFORM - شاي - الەمدە كەڭ تاراعان سۋسىنداردىڭ ءبىرى. وعان قانت قوسسا، ول ەرەكشە دامگە جانە يىسكە يە بولادى. الايدا قانت قوسىلعان شايدى كۇندە ىشسە نە بولادى؟
بۇل ادەتتىڭ اعزاعا قالاي اسەر ەتەتىنىن قاراستىرايىق، - دەپ حابارلايدى «Tengri Life.
ۋاقىتشا ەنەرگيانى ارتتىرادى
شايعا قانت قوسۋ ۋاقىتشا ەنەرگيانىڭ ارتۋىنا اكەلەدى. وعان قانداعى گليۋكوزا دەڭگەيىنىڭ كوبەيۋى اسەر ەتەدى. بۇل زەيىن قويۋدى جاقسارتۋعا كومەكتەسەدى، ءبىراق ول تەك قىسقا ۋاقىتقا عانا سونداي اسەر بەرەدى.
سالماق قوسۋعا اكەلۋى مۇمكىن
كۇندە قانت قوسىلعان شاي ءىشۋ ارتىق سالماق قوسىپ الۋ قاۋپىمەن بايلانىستى بولۋى مۇمكىن. ىستىق نەمەسە سۋىق سۋسىنعا قوسىلعان قانت ونىڭ كالورياسىن ارتتىرادى. ال ارتىق كالوريانى جۇيەلى تۇردە تۇتىنۋ مايدىڭ جينالۋىنا اكەلەدى.
ءتىس جانە اۋىز قۋىسى ساۋلىعىنا اسەر ەتەدى
قانت – تىس جەگىنىڭ جانە باسقا دا پروبلەمالاردىڭ دامۋىنا اكەلەتىن قاۋىپتى فاكتور. قانت قوسىلعان شايدى كۇندە ىشسەڭىز، وسى قاۋىپتىڭ ارتۋىنا اكەلۋى مۇمكىن. سەبەبى قانت اۋىز قۋىسىنداعى باكتەريالارعا ارنالعان تاعام بولىپ كەلەدى.
قانت ديابەتىنىڭ دامۋ قاۋپى ارتادى
قانتتى ۇنەمى پايدالانۋ قانت ديابەتى مەن ينسۋلينگە توزىمدىلىك قاۋپىن ارتتىرۋى مۇمكىن. سەبەبى قانتتىڭ كوپ مولشەرى قانداعى قانت دەڭگەيىن رەتتەۋدى بۇزادى.
تاۋەلدىلىك پايدا بولادى
قانت تاۋەلدىلىك تۋدىرادى. سەبەبى ول ادامعا قاناعاتتانۋ جانە قۋانىش سەزىمىن سىيلايدى. سوندىقتان قانتى بار شايدى كۇندە ىشكىڭىز كەلىپ، ول ادەتىڭىزگە اينالادى.
قانتتىڭ قانداي مولشەرى قاۋىپسىز سانالادى؟
قانتتى تۇتىنۋدىڭ تاۋلىكتىڭ نورماسى ادامنىڭ جالپى ەنەرگەتيكالىق تۇتىنۋىنىڭ 10 پايىزىنان اسپاۋى كەرەك. بۇل بولىكتى 5 پايىزعا دەيىن قىسقارتقان جاقسى، ول شامامەن كۇنىنە 25 گرام قانتتى قۇرايدى.
