قانشا ۋاقىت وتكەننەن كەيىن ايىپپۇلدى تولەمەۋگە بولادى؟

استانا. قازاقپارات - الماتىلىق جۇرگىزۋشىلەر بۇدان بىرنەشە اي بۇرىن سەرگەك كامەراسىنا تۇسكەن جول ەرەجەسىن بۇزعانى ءۇشىن ايىپپۇلدى ەندى العانىن ايتىپ شاعىمدانىپ جاتىر.

ماسساگەت ءتىلشىسى بۇل سۇراقتاردىڭ جاۋابىن الۋ ءۇشىن ىشكى ىستەر دەپارتامەنتىنە ساۋال جولدادى.

الماتىلىق جۇرگىزۋشىلەر الەۋمەتتىك جەلىلەردە كەشىگىپ كەلگەن ايىپپۇلدار تۋرالى اقپاراتتى تاراتىپ جاتىر.

وقىرمانداردىڭ ءبىرى قازاندا جول ەرەجەسىن بۇزعانى ءۇشىن ايىپپۇل جەلتوقساندا كەلگەنىن ايتتى. ونىڭ ايتۋىنشا، قاراشادا ايىپپۇل جول ەرەجەسىن بۇزعان كۇنى كەلگەن.

ىشكى ىستەر دەپارتامەنتى ساۋالعا جاۋاپ بەردى.

«اكىمشىلىك قۇقىقبۇزۋشىلىق تۋرالى كودەكسىنىڭ نورمالارىنا سايكەس، قۇقىقبۇزۋشىلىق جاسالعان كۇننەن باستاپ 2 ايدان كەيىن اكىمشىلىك قۇقىقبۇزۋشىلىققا تارتۋدىڭ مەرزىمى ەسكىرەدى. سونىمەن قاتار، ەگەر جۇرگىزۋشى 2 اي ىشىندە ايىپپۇل بارى تۋرالى ءتيىستى تۇردە حاباردار ەتىلسە، ايىپپۇلدى تولەۋ قاجەتى تۋرالى كەلىپ تۇسكەن ۇيعارىم مىندەتتى تۇردە ورىندالۋعا ءتيىس. ەگەر جاۋاپكەرشىلىككە تارتۋ مەرزىمى اياقتالعان بولسا، ونداي جاعدايدا اقپاراتتىق جۇيە ايىپپۇل تۋرالى ۇيعارىمدى جونەلتپەيدى»، - دەلىنگەن حابارلامادا.

ءى ءى م مالىمەتىنشە، ەگەر بۇزۋشىلىق تىركەلگەن ساتتەن باستاپ 2 اي ىشىندە كولىك يەسىنە ا ق ب ت ك-نىڭ 743-بابىنىڭ 4-1-بولىگىنىڭ تالاپتارىنا سايكەس حابارلانباعان بولسا، ول ايىپپۇلدى تولەمەۋگە قۇقىلى. ياعني ايىپپۇل تولەۋ قاجەتى تۋرالى ۇيعارىم ا ق ب ت ك-نىڭ 741-بابىنىڭ 5-بولىگىندە كوزدەلگەن ەسكىرۋ مەرزىمى وتكەننەن كەيىن توقتاتىلادى.

سونىمەن قاتار، ا ق ب ت ك-نىڭ 810-بابىنا سايكەس، ەگەر اكىمشىلىك قۇقىقبۇزۋشىلىق اۆتومات رەجيمدە جۇمىس ىستەيتىن سەرتيفيكاتتالعان ارنايى باقىلاۋ-ولشەۋ تەحنيكالىق قۇرالدارىمەن جانە اسپاپتارمەن تىركەلگەن بولسا، كولىك يەسى ايىپپۇل تولەۋ قاجەتى تۋرالى ۇيعارىم تيىسىنشە جەتكىزىلگەن ساتتەن باستاپ، 7 تاۋلىك ىشىندە كورسەتىلگەن ايىپپۇل سوماسىنىڭ 50 پايىزىن ايىپپۇل تولەۋگە قۇقىلى.

«ال تەحنيكالىق قامتاماسىز ەتۋ جانە ازاماتتارعا حابارلامانى ۋاقىتىلى جونەلتۋ ماسەلەسى سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ قۇزىرەتىندە»، - دەلىنگەن جاۋاپتا.