قۋاندىق بيشىمبايەۆتى كۇزەتپەن ۇستاۋ 2 ايعا ۇزارتىلدى
استانا قالالىق سوتى بۇرىنعى ەكونوميكا ءمينيسترى قۋاندىق بيشىمبايەۆتى 9-قاڭتاردان 9-ناۋرىزعا دەيىن كۇزەتپەن ۇستاۋ تۋرالى شەشىم قابىلدادى، دەپ حابارلايدى Kazinform.
«2024 -جىلعى 9-قاڭتاردا استانا قالاسىنىڭ مامانداندىرىلعان اۋدانارالىق تەرگەۋ سوتىمەن كۇدىكتى قۋاندىق بيشىمبايەۆقا قاتىستى كۇزەتپەن ۇستاۋ تۇرىندەگى بۇلتارتپاۋ شاراسىن 2024 -جىلعى 9-ناۋرىزعا دەيىن ۇزارتۋ سانكتسيالاندى»،-دەپ جاۋاپ بەردى سوتتان Kazinform اگەنتتىگى جولداعان ساۋالعا.
سونداي- اق، ەلوردا سوتى وزگە مالىمەتتەردى قىلمىستىق-پروتسەستىك كودەكستىڭ 201-بابىنا سايكەس جاريالاۋعا بولمايتىنىن ەسكەرتتى.
ەسكە سالايىق، بيىلعى 9-قاراشادا استاناداعى باۋ مەيرامحاناسىندا بۇرىنعى ۇلتتىق ەكونوميكا ءمينيسترى قۋاندىق بيشىمبايەۆ ءوزىنىڭ جۇبايىن سوققىعا جىقتى. ايەل جەدەل جاردەم كەلگەنشە كوز جۇمدى.
كەيىن ىشكى ىستەر مينيسترلىگى قۋاندىق بيشىمبايەۆتىڭ ۇستالعانىن راستادى.
15-قاراشادا وتكەن كەڭەستە پرەزيدەنت ق. توقايەۆ ءى ءى م- گە بيشىمبايەۆتىڭ ءىسىن ەرەكشە باقىلاۋعا الۋدى تاپسىردى.
اۆتور
داۋلەت ىزتىلەۋ
