قۋاندىق بيشىمبايەۆتىڭ ءىسى بويىنشا الدىن الا تىڭداۋ كۇنى بەلگىلەندى
استانا. KAZINFORM - ەكس-شەنەۋنىك قۋاندىق بيشىمبايەۆتىڭ ءىسى بويىنشا سوتالدى تىڭداۋ كۇنى بەلگىلى بولدى.
«2024-جىلعى 11- ناۋرىزدا العاشقى تىڭدالىم وتەدى»، - دەدى ەلوردا سوتىنىڭ باسپا ءسوز قىزمەتىنەن.
ەسكە سالا كەتەيىك، 2023-جىلى 9- قاراشادا استاناداعى باۋ مەيرامحاناسىندا بۇرىنعى ۇلتتىق ەكونوميكا ءمينيسترى قۋاندىق بيشىمبايەۆ ءوزىنىڭ جۇبايىن سوققىعا جىقتى. ايەل جەدەل جاردەم كەلگەنشە كوز جۇمدى.
كەيىن ىشكى ىستەر مينيسترلىگى قۋاندىق بيشىمبايەۆتىڭ ۇستالعانىن راستادى.
وتكەن جىلى 15- قاراشادا وتكەن كەڭەستە پرەزيدەنت ق. توقايەۆ ىشكى ىستەر مينيسترىنە بيشىمبايەۆتىڭ ءىسىن ەرەكشە باقىلاۋعا الۋدى تاپسىردى.
ايتا كەتسەك، بيىل 11- قاڭتاردا ەلوردا سوتى قۋاندىق بيشىمبايەۆتى كۇزەتپەن ۇستاۋ مەرزىمىن 2 ايعا ۇزارتقان ەدى.
26-اقپاندا قۋاندىق بيشىمبايەۆتىڭ ءىسى سوتقا ءتۇستى.
