18:30, 21 - جەلتوقسان 2023 | GMT +5
قۋاندىق بيشىمبايەۆقا قاتىستى ءىس سوتقا قاشان جىبەرىلەدى؟
ىشكى ىستەر ءمينيسترىنىڭ ءبىرىنشى ورىنباسارى مارات قوجايەۆ قۋاندىق بيشىمبايەۆقا قاتىستى ءىس سوتقا قاشان جىبەرىلەتىنىن ايتتى.
«ءىس كەلەر ۋاقىتتا ءبىتۋى كەرەك. ساراپتامانىڭ ءبارى دايىن بولعان سوڭ سوتقا جىبەرىلەدى. ول اقپاراتتىڭ ءبارى دايىن دەپ ايتا المايمىن. تەرگەۋ اياقتالىپ، ساراپتاما قورىتىندىسى شىققان سوڭ، ءىستى بىتىرگەن سوڭ قۇجاتتارمەن ەكى جاقتى دا تانىستىرۋ كەرەك. ول دا ۋاقىت الادى. سودان كەيىن سوتقا جىبەرىلەدى»، - دەيدى مارات قوجايەۆ Tengrinews.kz تىلشىسىنە.
ەسكە سالايىق، بۇعان دەيىن ەكس-مينيستر بيشىمبايەۆ ايەلىن ۇرىپ ولتىردى دەگەن كۇدىككە ىلىنگەنى حابارلاندى. كەيىن ول قاماۋعا الىندى. 11- قاراشادا بيشىمبايەۆ ۋاقىتشا ۇستاۋ يزولياتورىنا قاماۋعا الىندى.
