قۋاندىق بيشىمبايەۆ ەرەكشە قورعالعان با - باس پروكۋراتۋرا جاۋابى
استانا. KAZINFORM – ق ر باس پروكۋرورىنىڭ ورىنباسارى اسەت شىنداليەۆ قۋاندىق بيشىمبايەۆتىڭ سوت پروتسەسىندە وعان ەرەكشە قورعاۋ جاسالعانى تۋرالى تىلشىلەر سۇراعىنا جاۋاپ بەردى.
«سوت ەشكىمدى قورعامايدى. بارلىق سوتتالعاندار كۇزەتشىنىڭ ايداۋىمەن سوت زالىنا كەلەدى، تەك قانا بيشىمبايەۆ ەمەس»، - دەدى اسەت شىنداليەۆ ءماجىلىس كۋلۋارىندا.
سونىمەن بىرگە، ءا. شىنداليەۆ سوتتالۋشىلاردى قورعاۋ ماسەلەلەرى ق ر ىشكى ىستەر مينيسترلىگىنىڭ قۇزىرىندا ەكەنىن ايتتى.
«مەن ناقتى بىلمەيمىن، قانشا ادامنىڭ بولۋى قاجەت دەگەن ماسەلەلەر ىشكى ىستەر مينيسترلىگىنىڭ قۇزىرىندا»، - دەپ اتاپ ءوتتى اسەت شينداليەۆ
سونىمەن بىرگە ول سوت وتىرىسىنىڭ بۇقارالىق اقپارات قۇرالدارىنا قولجەتىمدىگى تۋرالى پىكىر ءبىلدىردى. ءا. شىنداليەۆ سوت زالىنا كىرمەگەن ب ا ق وكىلدەرى ءۇشىن ترانسلياتسياسى بار باسقا بولمە ۇسىنىلعانىن ايتتى.
ايتا كەتەيىك، ايەلىن ءولتىردى دەپ ايىپتالعان ق. بيشىمبايەۆتىڭ باستى سوتى 27- ناۋرىزعا بەلگىلەندى. سوت القابيلەر قاتىسۋىمەن وتەدى.
