قۋاندىق بيشىمبايەۆ ءالى تەرگەۋ يزولياتورىندا – ءى ءى م

استانا. قازاقپارات - ايەلى سالتانات نۇكەنوۆانى ولتىرگەنى ءۇشىن 24 جىلعا سوتتالعان قۋاندىق بيشىمبايەۆ ءالى تەرگەۋ يزولياتورىندا وتىر.

بۇل تۋرالى ءى ءى م قىلمىستىق-اتقارۋ جۇيەسى كوميتەتىنىڭ ءتوراعاسى، ادىلەت پولكوۆنيگى تەڭىزجان جانىبەكوۆ ايتتى.

«بىرىنشىدەن، بيشىمبايەۆ ءالى تەرگەۋ يزولياتورىندا. ەكىنشىدەن، ونىڭ جۇمىس ىستەۋىنە قاتىستى: وندىرىستىك ايماقتاردا ءتۇرلى جۇمىس بار. ول «ەڭبەك» رەسپۋبليكالىق مەملەكەتتىك كاسىپورىندا مىسالى اعاش، مەتال وڭدەۋ سالاسىنا جۇمىسقا ورنالاسا الادى. قاي جەردە بوس ورىن بولسا سول جەرگە بارا الادى.

بۇل ماسەلەنى جۇمىسپەن قامتۋ ءبولىمى شەشەدى، كەلگەننەن كەيىن 15 كۇن كارانتيندە بولادى. ءبىز ونى زەرتتەيمىز، ودان ءارى تاربيە جۇمىسى جۇرگىزىلەدى. پسيحولوگتار باسقا تۇتقىندارمەن جۇمىس ىستەيتىن بولادى»، - دەيدى جانىبەكوۆ.

ەسكە سالايىق، ايەلى سالتانات نۇكەنوۆانى ولتىرگەنى ءۇشىن ايىپتالعان قۋاندىق بيشىمبايەۆ 24 جىلعا سوتتالعان بولاتىن. ال قىلمىستى جاسىرىپ قالعان ءىنىسى باقىتجان بايجانوۆ 4 جىلعا باس بوستاندىعىنان ايىرىلدى.