قانداسىمىز شاڭعى جارىسىنان قىتاي چەمپيونى اتاندى — شەتەلدەگى قازاق باسپا ءسوزى
«Kazinform» ح ا ا شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.
تاشكەنتتە قازاق ۇلتتىق مادەني ورتالىعى بالالار شىعارماشىلىق بايقاۋىن وتكىزدى — «ءو ز ا»
تاشكەنت قالاسىنداعى «تەمىرجولشىلار» مادەنيەت سارايىندا وزبەكستانداعى قازاق ۇلتتىق مادەني ورتالىعىنىڭ ۇيىمداستىرۋىمەن بالالار شىعارماشىلىق بايقاۋى ءوتتى، دەپ حابارلايدى «ءو ز ا» اقپارات اگەنتتىگى.
— وزبەكستان — عاسىرلار بويى سان الۋان ۇلت پەن ۇلىستىڭ، ءارتۇرلى ءدىن وكىلدەرىنىڭ ءبىر شاڭىراق استىندا تاتۋ- ءتاتتى ءومىر ءسۇرىپ كەلە جاتقان باۋىرمال ەل. سوڭعى جىلدارى پرەزيدەنت شاۆكات ميرزيەيەۆتىڭ باستاماسىمەن ۇلتارالىق دوستىق پەن كونفەسسياارالىق كەلىسىمدى نىعايتۋ، قوعامداعى تۇراقتىلىق پەن بەيبىتشىلىكتى كوزدىڭ قاراشىعىنداي ساقتاۋ ىسىنە ايرىقشا ءمان بەرىلۋدە، — دەپ جازادى «ءو ز ا».
وزبەكستاندىق باسىلىمنىڭ دەرەگىنشە، وسى باعىتتاعى يگى قادامداردىڭ قاتارىندا ۇلتتىق مادەني ورتالىقتاردىڭ قىزمەتىن قولداۋ، ولاردى جان- جاقتى دامىتۋ جانە ماتەريالدىق ءارى رۋحاني تۇرعىدا ىنتالاندىرۋ بويىنشا جۇيەلى شارالار جۇزەگە اسىرىلىپ كەلەدى.
«ءو ز ا» - نىڭ كەلتىرگەن مالىمەتىنە سۇيەنسەك، مۇنداي شارالار دوستىق پەن باۋىرمالدىقتى نىعايتىپ قانا قويماي، جاس بۋىننىڭ بويىندا ونەرگە دەگەن سۇيىسپەنشىلىك پەن رۋحاني قۇندىلىقتاردى دامىتا تۇسەدى.
سونداي-اق، وسى اپتادا «ءو ز ا» - دا «وزبەك اقىنى حالىقارالىق «الاش» سىيلىعىمەن ماراپاتتالدى» دەگەن تاقىرىپتاعى اقپارات جاريالاندى.
اتالعان ب ا ق- تىڭ دەرەگىنشە، وزبەكستاننىڭ حالىق اقىنى، كورنەكتى قالامگەر ۋسمون ازيم قازاقستاننىڭ ادەبيەت سالاسىنداعى حالىقارالىق «الاش» سىيلىعىمەن ماراپاتتالدى.
اتالمىش ماراپات الماتى قالاسىندا قازاقستان جازۋشىلار وداعىنىڭ 90 جىلدىعىنا ارنالعان سالتاناتتى شارادا تابىستالعان.
ايتا كەتەيىك، اقىن ۋسمون ءازيمنىڭ ولەڭدەرى اعىلشىن، فرانسۋز، نەمىس، پولياك، ماكەدون، تۇرىك، گرۋزين، ەستون، ليتۆا، تاجىك، قازاق، قىرعىز جانە باسقا دا كوپتەگەن شەت تىلدەرىنە اۋدارىلعان. سونداي-اق، ونىڭ كوپتەگەن ولەڭدەرى اۋەزدى اندەرگە اينالعان.
ۋسمون ازيم — ءۇش مىڭعا جۋىق پوەزيالىق شىعارمانىڭ اۆتورى.
ءال-فارابي اتىنداعى قازاق ۇ ۋ- دىڭ عالىمى يران پرەزيدەنتى قولىنان سىيلىق الدى— «ParsToday»
17-جەلتوقساندا ءال-فارابي اتىنداعى قازاق ۇ ۋ- دىڭ شىعىستانۋ فاكۋلتەتى يرانتانۋ ءبولىمىنىڭ اعا وقىتۋشىسى، ف. ع. ك. عاليا امزە قىزى قامباربەكوۆا يران يسلام رەسپۋبليكاسىنىڭ پرەزيدەنتى ماسۋد پەزەشكياننىڭ قولىنان حالىقارالىق فارابي (FIA) سىيلىعىن الدى، دەپ حابارلايدى «ParsToday».
يران يسلام رەسپۋبليكاسى عىلىم، زەرتتەۋ جانە تەحنولوگيالار مينيسترلىگىنىڭ جىل سايىن بەرىلەتىن يسلام گۋمانيتارلىق عىلىمدارىنىڭ دامۋىنا باعىتتالعان فارابي حالىقارالىق سىيلىعى بايقاۋىنىڭ وسى جىلعى 3 جۇلدەگەرى ا ق ش، تۇركيا جانە قازاقستان عالىمدارى بولدى.
يراندىق ب ا ق- تىڭ دەرەگىنشە، سىيلىقتىڭ ماقساتتارى تەوريالىق جانە قولدانبالى سالالاردا ناقتىلانعان، سىيلىق ۇيىمداستىرۋشىلىق تۇرعىدان گۋمانيتارلىق عىلىمدار سالاسىندا جۇمىس ىستەيتىن عىلىمي-زەرتتەۋ جانە ءبىلىم بەرۋ ۇيىمدارىنىڭ بارىنشا قولداۋىن الۋعا مۇمكىندىك بەرەتىندەي ەتىپ ايقىندالعان.
يراننىڭ عىلىم سالاسىنداعى ەكى حالىقارالىق سىيلىعى بار. گۋمانيتارلىق عىلىمدار سالاسىنداعى فارابي حالىقارالىق سىيلىعى جانە جاراتىلىستانۋ عىلىمدارى سالاسىنداعى حورەزمي حالىقارالىق سىيلىعى. حورەزمي حالىقارالىق سىيلىعىن قازاقستاننان وسىعان دەيىن ماتەماتيك اسقار جۇمادىلدايەۆ العان.
سامعار سەرىك ۇلى شاڭعى جارىسىنان قىتاي چەمپيوناتىندا التىن مەدالدى جەڭىپ الدى — CNR
15-جەلتوقساندا 2024-2025-جىلدارعا ارنالعان قىتايدىڭ شاڭعى جارىسى ۇلتتىق چەمپيوناتىنىڭ ەرەسەكتەر توبىنىڭ ەرلەر اراسىنداعى جەكەلەي قىسقا قاشىقتىقتاعى (كلاسسيكالىق ستيل) جارىسىندا شىڭجاڭ شاڭعى كومانداسىنىڭ سپورتشىسى سامعار سەرىك ۇلى التىن مەدالدى جەڭىپ الدى.
بۇل تۋرالى قىتايدىڭ «ورتالىق حالىق راديوسى» جازدى.
قىتايلىق ب ا ق- تىڭ دەرەگىنشە، 2005-جىلى تۋعان سامعار سەرىك ۇلى جاستايىنان شاڭعى سپورتىنا جاقىن بولعان. 2017-جىلى ونىڭ مۇز بەن قارداعى سپورتتىق تالانتىن شاڭعى سپورتىنىڭ جەرگىلىكتى جاتتىقتىرۋشىسى ما دجۋن بايقايدى. سودان بەرى ول كاسىبي شاڭعى سپورتى جولىنا تۇسە باستاعان. ءۇش جىلدىق جاتتىعۋدان كەيىن ول تاعى ەكى التايلىق جەرلەستەرىمەن بىرگە شىڭجاڭ شاڭعى كومانداسىنا قابىلدانادى.
كەيىنگى جىلدارى سامعار سەرىك ۇلى ءوزىنىڭ تىنىمسىز كۇش-جىگەرىمەن جانە ەرەكشە تالانتىمەن وتاندىق شاڭعى جارىسىندا ەل كوزىنە تۇسەدى. 2020-جىلى سامعار سەرىك ۇلى شاڭعى جارىسىنان 16 جاسقا دەيىنگى جاستار اراسىنداعى ۇلتتىق چەمپيوناتتا ءبىرىنشى ورىندى جەڭىپ الدى. ال، 2024-جىلى س. سەرىك ۇلى 14-ۇلتتىق قىسقى ويىنداردا ەرلەر اراسىنداعى قىسقا قاشىقتىققا شاڭعىمەن جۇگىرۋدەن جاستار توبىندا التىن مەدال جەڭىپ العان بولاتىن.
قازاقستان تاۋەلسىزدىگى تۇركيانىڭ ەكى قالاسىندا تويلاندى— TRT
قازاقستان رەسپۋبليكاسى تاۋەلسىزدىگىنىڭ 33 جىلدىعى تۇركيانىڭ كۇتاحيادا قالاسىندا ۇلكەن شاتتىقپەن تويلاندى.
كۇتاحيا دۋملۋپىنار ۋنيۆەرسيتەتىندە ءبىلىم الاتىن قازاقستاندىق ستۋدەنتتەر قاۋىمى ۇيىمداستىرعان «قازاقستان رەسپۋبليكاسىنىڭ تاۋەلسىزدىك كۇنى» مەرەكەلىك باعدارلاماسى ءوتتى.
بۇل تۋرالى وسى اپتادا تۇركيا راديو تەلەۆيزيا پورتالى حابارلادى.
باعدارلامادا وسى ۋنيۆەرسيتەتتە ءبىلىم الاتىن قازاقستان ستۋدەنتتەرى قوعامداستىعىنىڭ باسشىسى دوتسەنت ەردال اداي ءسوز سويلەگەن.
— تۇرىك مەملەكەتتەرى ۇيىمى قابىلداعان ورتاق شەشىمدەرمەن تۇرىك الەمى اراسىنداعى بىرلىكتىڭ نىعايا تۇسكەنىن كورگەنىمىزگە قۋانىشتىمىز. قازاقستاننىڭ تاۋەلسىزدىگىن ءبىرىنشى بولىپ مويىنداعان تۇركيا. ەكى ەل اراسىنداعى دوستىق نىعايتا تۇسۋدە، — دەدى اداي.
اتالعان شارادا دۋملۋپىنار ۋنيۆەرسيتەتىنىڭ رەكتورى پروفەسسور سۇلەيمەن قىزىلتوپراكتا ءسوز سويلەگەن.
مەرەكەلىك باعدارلاما دۋملۋپىنار ۋنيۆەرسيتەتىندە وقيتىن قازاقستاندىق ستۋدەنتتەردىڭ مۋزىكالىق كونتسەرتىمەن جالعاسىن تاپتى. ءىس-شارا بارىسىندا جاقىندا الەمدىك مۇرا تىزىمىنە ەنگەن «بەتاشار» ساحنالاندى.
سونىمەن قاتار، قازاقستاننىڭ تاۋەلسىزدىك كۇنى تۇركيانىڭ سامسۋن قالاسىندا دا اتاپ ءوتىلدى.
«19-مامىر» ۋنيۆەرسيتەتىندە قازاقستاننىڭ تاۋەلسىزدىك كۇنىنە ارنالعان مەرەكەلىك باعدارلاما ۇيىمداستىرىلدى، دەپ حابارلايدى «TRT».
ۋنيۆەرسيتەت جانىنداعى تۇرىك ءتىلىن وقىتۋ ورتالىعىنىڭ (TضMER) ديرەكتورى سەركان شەن اتاتۇرىك كونگرەسس جانە مادەنيەت ورتالىعىنداعى باعدارلامادا قازاقستاننىڭ ورنى ەرەكشە ەكەنىن ايتقان.
شەتەلدىك ستۋدەنتتەردىڭ كوورديناتورى ولجاي بايراكتار وتكەن جىلمەن سالىستىرعاندا ءىس- شارانىڭ بيىل اۋقىمدى وتكەنىن ايتتى.
— ۋنيۆەرسيتەتىمىزدە 120 عا جۋىق ەلدەن ستۋدەنت بار. ءار ەلدىڭ ءىس-شاراسى بۇگىنگى ءىس- شارا سياقتى قىزىقتى، ناتيجەلى وتەدى، — دەدى ول.
باياندامالاردان كەيىن قازاق اندەرى شىرقالىپ، ءبي بيلەنىپ، ءتۇرلى ءىس-شارالار وتكىزىلگەن.
باعدارلاماعا قازاقستاننىڭ تۇركياداعى ەلشىلىگىنىڭ حاتشىسى ارداقجان اسحات قىزى بەكەنوۆا، سامسۋن شەتەلدىك ستۋدەنتتەر قاۋىمداستىعىنىڭ پرەزيدەنتى حاكان كارادۋمان جانە ستۋدەنتتەر قاتىستى.
سونداي-اق، «TRT» - دا «تابىلدى اندەرى انكارادا شىرقالدى» دەگەن تاقىرىپتاعى اقپارات جارىق كوردى.
تۇركى مادەنيەتىنىڭ حالىقارالىق ۇيىمى تۇركسوي مەن تابىلدى دوسىموۆ رەسپۋبليكالىق قورىنىڭ ۇيىمداستىرۋىمەن انكارا كەسكىندەمە جانە ءمۇسىن مۇراجايىنىڭ «تۇرىك ودجاكلارى» ساحناسىندا «سايگۇلىك» اتتى ءان كەشى ءوتتى. قازاقتىڭ تۇڭعىش بارد اقىنىنىڭ 60 -جىلدىق مەرەيتويىنا ارنالعان ءىس- شاراعا تابىلدى قورىنىڭ باسشىسى بيجان قالماعانبەتوۆ، ع. جۇبانوۆا اتىنداعى اقتوبە وبلىستىق فيلارمونياسىنىڭ باس رەداكتورى، ق ر مادەنيەت سالاسىنىڭ ۇزدىگى ورال- قوساي بايسەڭگىر، «Qazaqstan» ۇتا وندىرىستىك ورتالىقتىڭ دىبىس رەجيسسەرى، تابىلدىنىڭ ۇلى ابىل اياش، قر ۇلتتىق ۇلان وركەسترىنىڭ ءسوليسى، رەسپۋبليكالىق ءان بايقاۋلاردىڭ لاۋرەاتى اسحات ءامىرعالي، «Qazaqstan» ۇ ت ا تاڭعى-اقپاراتتىق باعدارلامالار ديرەكتسياسىنىڭ پروديۋسەرى، جۋرناليست تاۋىربەك بوزەكەنوۆ قاتىستى.
كەش سوڭىندا ونەرپازدار تۇركسوي العىس حاتتارىمەن ماراپاتتالدى. سونىمەن قاتار، كەشتە تابىلدى دوسىموۆتىڭ سۋرەت كورمەسى كورەرمەنگە ۇسىنىلدى.
شاندۋننان قازاقستانعا العاشقى TIR حالىقارالىق كولىك جەلىسى اشىلدى— «حالىق گازەتى»
شاڭحاي ىنتىماقتاستىق ۇيىمى دەمونستراتسيالىق ايماعىنىڭ TIR حالىقارالىق اۆتوموبيل كولىگىن قۇراستىرۋ ورتالىعىنان مۇزداتىلعان جەمىستەرگە تولى TIR كولىگى جولعا شىقتى. بۇل شاندۋن ولكەسىنەن قازاقستانعا العاشقى TIR حالىقارالىق اۆتوموبيل كولىگى مارشرۋتىنىڭ رەسمي اشىلۋىن بىلدىرەدى، دەپ جازادى قىتايلىق «حالىق گازەتى» باسىلىمى.
اتالعان باسىلىمنىڭ مالىمەتىنشە، كولىك شىڭجاڭداعى باقتى كەدەن بەكەتى ارقىلى ەلدەن شىعىپ، شامامەن 6500 شاقىرىم جولدى باسىپ، قازاقستاننىڭ استانا قالاسىنا جەتەدى. بۇل باعىت شاندۋننىڭ جوعارى ساپالى مۇزداتىلعان جەمىستەرىن ورتالىق ازياعا، ءتىپتى ەۋروپا ەلدەرىنە دەيىن تەز جەتكىزەدى.
اۆتور بەيسەن سۇلتان
