قانداستارىمىز قار مۇسىندەرى حالىقارالىق بايقاۋىندا جۇلدەلى ورىنعا يە بولدى
قىتايدىڭ حاربين قالاسىندا وتكەن قىتاي - حاربين حالىقارالىق قاردان جاسالعان ۇزدىك مۇسىندەردىڭ بايقاۋىندا التاي كومانداسى «ايەل. ءومىر» دەپ اتالاتىن تۋىندىسىمەن 3-ورىندى ەنشىلەدى.
بۇل تۋرالى قىتايدىڭ ukilialtay اقپاراتتىڭ پورتالى جازدى، دەپ حابارلايدى Kazinform.
بۇل بايقاۋعا رەسەي، كانادا، يسپانيا، وڭتۇستىك كورەيا، ءۇندىستان جانە موڭعوليا قاتارلى 12 ەلدەن بارلىعى 29 كوماندا قاتىستى. جۇزدەن استام قاردان ءمۇسىن جاساۋشى شەبەرلەر ءتورت كۇندىك فيلوسوفيالىق كونسەپتسيالار، ۇلتتىق مادەنيەت، گۋمانيستىك ادەت- عۇرىپ، ايماقتىق ەرەكشەلىكتەر جانە ت. ب. نەگىزدەلگەن كوركەم شىعارماشىلىق قاردان جاسالعان مۇسىندىك جۇمىستارىن ۇسىندى. باس جۇلدەنى وڭتۇستىك كورەيادان كەلگەن كوماندا جەڭىپ الدى.
قىتايلىق ب ا ق- تىڭ كەلتىرگەن دەرەگىنە سۇيەنسەك، قىتايدىڭ حاربين حالىقارالىق قار مۇسىندەرى بايقاۋىنىڭ نەگىزى 1996-جىلى قالاندى. بۇل حاربين حالىقارالىق مۇز جانە قار فەستيۆالىنىڭ ماڭىزدى شارالارىنىڭ ءبىرى، سونىمەن قاتار الەمدەگى ەڭ ۇلكەن جانە ەڭ ىقپالدى مۇز بەن قار مۇسىندەرىنىڭ بايقاۋى بولىپ سانالادى. اتالعان بايقاۋ قازىرگە دەيىن 26 رەت وتكىزىلگەن.
بايقاۋعا قاتىسقان التاي كومانداسى قۇرامىندا جۇماجان بەشەن ۇلى، سەرىك باتىڭ ۇلى، بادەلحان ءجانىمحان ۇلى، يۋان ۆەنيۋ سياقتى ءتورت ادام بار.
كوماندانىڭ باس ءمۇسىنشىسى جۇماجان بەشەن ۇلى قىتايدىڭ التاي ايماعى شىڭگىل اۋدانىندا دۇنيەگە كەلگەن كاسىبي سۋرەتشى. شىڭجاڭ پەداگوگيكالىق ۋنيۆەرسيتەتىنىڭ بەينەلەۋ ونەرى ينستيتۋتىنىڭ بەينەلەۋ ونەرى ماماندىعى بويىنشا بىتىرگەن. شىڭجاڭ جانە التاي سۋرەتشىلەر وداعىنىڭ مۇشەسى.
اۆتور
بەيسەن سۇلتان
