قانات يسلام تۇركياعا بارىپ كاسىپقوي بوكس كەشىن وتكىزبەكشى

استانا. قازاقپارات - قازاقستاندىق كاسىپقوي بوكسشى، بۇگىندە پروموۋتەرلىكپەن اينالىساتىن قانات يسلام ستامبۇلدا بوكس كەشىن وتكىزۋدى جوسپارلاپ وتىر.

بۇل تۋرالى قازاقستان ساۋدا جانە مادەنيەت ورتالىعىندا وتكەن كەزدەسۋدە سپورتشىنىڭ ءوزى ايتقان.

ەسكە سالايىق، بيىل ناۋرىز ايىندا قانات يسلام الماتىدا كاسىپقوي بوكس كەشىن وتكىزگەن بولاتىن. وعان قازاقستاننان جانە الىس-جاقىن شەت ەلدەردەن ونداعان بوكسشى قاتىستى. الايدا، جۋرناليست سەرىك نويان جازعانداي، قانات يسلام قازاق بوكسشىلارىنىڭ گونورارىن تولەمەي قويعان. بۇل داۋدىڭ سوڭى نەمەن اياقتالعانى سول كۇيى ايتىلمادى.

ال، ستامبۇلداعى تۋرنيرگە دە الەمنىڭ بىرنەشە ەلىنەن كاسىپقوي بوكسشىلار شاقىرىلادى جانە بىرنەشە تۇجىرىمنىڭ بەلبەۋلەرى ساراپقا سالىنادى.