قانات شارلاپايەۆ ۋتيل الىمىنا قارسى پەتيتسيا تۋرالى: مەنى قورقىتىپ جاتقان ادامدار بار

استانا. KAZINFORM - ونەركاسىپ جانە قۇرىلىس ءمينيسترى قانات شارلاپايەۆ ۋتيل الىمىنا قارسى پەتيتسيا جونىندە پىكىر ءبىلدىردى.

«ۋتيل الىمعا قاتىستى ماسەلەنى شەشۋ ءۇشىن زاڭ اياسىندا جۇمىس ىستەۋىمىز كەرەك. مەن TikTok جەلىسىندە بىرنەشە ۆيدەو مەن پىكىردى كوردىم، مەنى قورقىتىپ جاتقان ادامدار بار. مەنىڭ ايتارىم - ءار ماسەلەنى، قوعامنىڭ پروبلەمالارىن زاڭ اياسىندا شەشۋىمىز كەرەك. ال پەتيتسيا 50 مىڭ قول جيناسا، ونى قارايمىز»، - دەدى قانات شارلاپايەۆ ۇكىمەت وتىرىسىنان كەيىن وتكەن باسپا ءسوز ءماسليحاتىندا.

سونداي-اق، ب ا ق وكىلدەرى مينيسترگە «مەملەكەت باسشىسى ۋتيل الىمىن الىپ تاستاۋ جونىندە شەشىم قابىلداسا، ءسىز قارسى بولاسىز با؟» دەگەن ساۋال قويدى.

«ارينە، مەن پرەزيدەنتكە قارسى شىقپايمىن. حالىقتىڭ نارازىلىعىن جاقسى تۇسىنەمىز، الايدا قوعامنىڭ وزگە وكىلدەرىنىڭ پىكىرىن تىڭدامايمىز با؟ قازىر ونەركاسىپتى قورعاۋ مەن ساقتاۋدى 10 مىڭنان استام ادام قولداپ وتىر. ولاردىڭ پىكىرىن نە ىستەيمىز؟ مەنىڭ ويىمشا، پەتيتسيا مەحانيزمى ناقتى دەموكراتيانىڭ كورسەتكىشىن كورسەتىپ وتىر عوي»، - دەيدى ول.

اۆتور
داۋلەت ىزتىلەۋ