قان قىسىمىن ءدارى-دارمەكسىز قالىپتا ۇستاۋعا بولاتىن ءتاسىل بەلگىلى بولدى
كەيبىر جاعدايلاردا قان قىسىمىن ءدارى-دارمەكسىز قالىپتى جاعدايدا ۇستاۋعا بولادى. بۇل تۋرالى مەديتسينا فاكۋلتەتىنىڭ تەراپيا كافەدراسىنىڭ دوتسەنتى يرينا ۆولگينا مالىمدەدى، - دەپ حابارلايدى Life.ru سايتى.
«ۆەگەتاتيۆتىك ديسفۋنكسيا جاعدايىندا قان قىسىمىن ءومىر ءسۇرۋ داعدىسىن تۇزەتۋ ارقىلى قالىپقا كەلتىرۋگە بولادى: دۇرىس تاماقتانۋ، ولشەنگەن فيزيكالىق بەلسەندىلىك جانە ۇيقى رەجيمىن ساقتاۋ»، - دەپ كەڭەس بەردى دارىگەر.
ۆولگينانىڭ ايتۋىنشا، ەگەر قان قىسىمى شامادان تىس سترەستەن نەمەسە جۇكتىلىك كەزىندە تومەندەسە، ۇيقى ونى قالىپقا كەلتىرۋگە كومەكتەسەدى. كوفەيندى سۋسىندار قان قىسىمىن قىسقا ۋاقىت ىشىندە عانا كوتەرەدى، ءبىراق ولار جۇرەك سوعۋ جىلدامدىعىن جانە الاڭداۋشىلىقتى تۋدىرۋى مۇمكىن دەپ ەسكەرتتى دارىگەر.
ۆولگينا قان قىسىمىنىڭ تومەندەۋى اۋىر اۋرۋلاردىڭ - جۇرەك اقاۋلارىنىڭ، ەندوكريندىك پاتولوگيالاردىڭ، مي مەن باۋىردىڭ اۋرۋلارىنىڭ سالدارىنان دامي تۇسەتىنىنە نازار اۋداردى. مۇنداي جاعدايلاردا ءوزىن- ءوزى ەمدەۋ ءقاۋىپتى دەپ ءتۇسىندىردى دارىگەر.
بۇعان دەيىن ۆولگينا دەپرەسسيادان نەمەسە كوروناۆيرۋستىڭ اۋىر تۇرىنەن زارداپ شەككەن ادامداردا التسگەيمەر اۋرۋىنىڭ دامۋ ىقتيمالدىعى جوعارى ەكەنىن ەسكەرتكەن ەدى. ونىڭ ايتۋىنشا، اۋرۋ ادەتتە 70 جاستان اسقان ادامداردا داميدى، ءبىراق كەيبىر جاعدايلاردا جاس ادامداردا دا باستالۋى مۇمكىن.
