قامشىبەك قوڭقابايەۆ ازيا ويىندارىنىڭ فينالىنا شىعىپ، وليمپياداعا جولداما الدى
قىتايدىڭ حاڭجۋ قالاسىندا ءوتىپ جاتقان ازيا ويىندارىندا قازاقستاندىق بوكسشى قامشىبەك قوڭقابايەۆ فينالعا شىقتى، دەپ حابارلايدى قازاقپارات ءتىلشىسى.

اسا اۋىر سالماقتاعى قازاقستاندىق بوكسشى قامشىبەك ءۇندىستاندىق بەرۆال نارەندەرمەن جۇدىرىقتاستى.
ءبىرىنشى راۋندتا تورەشىلەردىڭ ءبارى باسىمدىقتى قامشىبەك قوڭقابايەۆقا بەردى. ەكىنشى كەزەڭدە ەشتەڭە وزگەرگەن جوق.
قورىتىندى ەسەپ - 5:0، قازاقستاندىق سپورتشىنىڭ پايداسىندا.
وسىلايشا، قازاقستان ەرلەر قۇراماسىنان ق. قوڭقابايەۆ قانا فينالعا شىعىپ، وليمپيادا جولداماسىن جەڭىپ الدى.
ەندى ول التىن ءۇشىن ءوزىنىڭ سىرالعى قارسىلاسى، الەم چەمپيونى، وزبەكستاندىق باحودير جالولوۆپەن تالاسادى.
باحودير جالولوۆ قىتاي اتىنان شىعىپ جۇرگەن قازاق جىگىتى دانابەك بايعازىنى مەرزىمىنەن بۇرىن تىزە بۇكتىرگەن ەدى.
ەسكە سالا كەتەيىك، بۇدان بۇرىن نادەجدا دۋبوۆيتسكايانىڭ ازيا ويىندارىندا قولا جۇلدەنى قاناعات تۇتقانىن جازعان بولاتىنبىز.