قالىڭ قار، 20 گرادۋس اياز، بوران: الداعى ءۇش كۇن قۇبىلمالى اۋا رايى ساقتالادى

استانا. KAZINFORM - قازگيدرومەت سينوپتيكتەرى 8-10- اقپان ارالىعىنا ارنالعان ءۇش كۇندىك اۋا رايى بولجامىن جاريالادى.

الداعى كۇندەرى قازاقستان كەزەكتى اتلانتيكا سيكلونى اكەلەتىن اتموسفەرالىق فرونتتاردىڭ اسەرىن سەزەدى.

بۇلتتى جانە جەلكەم اۋا رايى ورنايدى.

ەلىمىزدىڭ سولتۇستىگىندە جەلدىڭ ەكپىنى - 23-28، كەي ۋاقىتتا 30 م/س دەيىن كۇشەيەدى.

جاڭبىر مەن قار جاۋادى.

سولتۇستىك ايماقتاردا قالىڭ قار جاۋىپ، بۇرقاسىن سوعادى.

سونىمەن قاتار سيكلون اۋا تەمپەراتۋراسىنا قىسقا مەرزىمدى جىلىنۋ اكەلەدى. ول از ۋاقىتتا ايازعا الماسىپ، كۇن كۇرت سۋىتادى.

ەلىمىزدىڭ باتىسى مەن سولتۇستىك-باتىسىندا 10- اقپانعا قاراي اۋا تەمپەراتۋراسى تۇندە 12-20- گرادۋس ايازعا دەيىن تومەندەيدى.

رەسپۋبليكانىڭ قالعان اۋماعىندا تەمپەراتۋرالىق فوندا كۇرت وزگەرىستەر بولمايدى.