قاجىمۇقان مۇڭايتپاسوۆ اتىنداعى ستاديونعا قانشا قاراجات جۇمسالادى

استانا. KAZINFORM - استاناداعى جاڭا قاجىمۇقان مۇڭايتپاسوۆ اتىنداعى ستاديونعا 31,3 ميلليون دوللار جۇمسالادى.

«دياديا ۆانيا» تەلەگرام ارناسى ەلوردادا سالىناتىن سپورتتىق نىساننىڭ جوبالىق-سمەتالىق قۇجاتتارىمەن تانىسىپ شىققان. استانا قالالىق قۇرىلىس باسقارماسى بۇل ماقساتقا 15,228 ميلليارد تەڭگە جۇمساماق. ال جۇمىستارى بيىلعى ءتورتىنشى توقساندا باستالۋى كەرەك. قۇرىلىس ۋاقىتى – 18 اي (سونىڭ ىشىندە 2-دايىندىق جۇمىستارى).

تەحنيكالىق ەرەكشەلىگىندە ستاديوننىڭ عيماراتى جابىق ارەنا ىسپەتتەس، ونىڭ باتىس جانە شىعىس تريبۋنالارى بولادى. وندا اكىمشىلىك مەكەمەلەر، جاتتىعۋ زالدارى، تاماقتانۋ ورىندارى قاراستىرىلعان. نىسان UEFA ەرەجەلەرىنىڭ 3-دەڭگەيىنە سايكەس كەلەتىن ماتچتار وتكىزۋگە ارنالعان.

تريبۋنا سىيىمدىلىعى (3598 ادام):

شىعىس - 1500

باتىس - 2044

VIP- سەكتور - 54

فۋتبول الاڭىنىڭ كولەمى – 105x68 مەتر. ەڭ بيىك مۇنارا نۇكتەسى - 27 مەتر.

ايتا كەتەيىك، قاجىمۇقان مۇڭايتپاسوۆ اتىنداعى ستاديون 1936-جىلى قولدانىسقا بەرىلگەن. بۇعان دەيىن ونىڭ سىيىمدىلىعى 12 مىڭ ادامدى قۇرايتىن. ارەنادا العاشقى فۋتبول ماتچى 1964-جىلى وتكەن. بىرنەشە جىل بۇرىن ستاديون قۇرىلىس جۇمىستارىنا جابىلدى.