قاپشاعايداعى كازينولار قونايەۆ قالاسىنا قانشا سالىق تولەپ وتىر

казино
Фото: pixabay.com

 استانا. KAZINFORM - تۋريزم جانە سپورت مينيسترلىگى قونايەۆ قالاسىنداعى ويىن بيزنەسى نىساندارىن تەكسەرىپ جاتىر.

بۇل تۋرالى اشىق ن ق ا پورتالىنا تالقىلاۋعا شىعارىلعان قازاقستان رەسپۋبليكاسىندا زاڭسىز ويىن بيزنەسى مەن لۋدومانياعا قارسى ءىس- قيمىل بويىنشا 2024-2026 -جىلدارعا ارنالعان كەشەندى جوسپاردا ايتىلعان.

«قازاقستان رەسپۋبليكاسىنىڭ كەيبىر زاڭنامالىق اكتىلەرىنە ويىن بيزنەسى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» 2020 -جىلعى 2-شىلدەدەگى قازاقستان رەسپۋبليكاسىنىڭ زاڭىمەن (بۇدان ءارى - زاڭ) بۋكمەكەرلىك كەڭسەلەر، توتاليزاتورلار، بۋكمەكەرلىك كەڭسەلەر مەن توتاليزاتورلاردىڭ كاسسالارى الماتى وبلىسىنداعى قاپشاعاي سۋ قويماسىنىڭ جاعالاۋىنداعى جانە اقمولا وبلىسىنىڭ بۋراباي اۋدانىنداعى ارنايى ويىن ايماقتارىنا شىعارىلدى. بۇگىنگى كۇنى 2021 -جىلدان باستاپ جۇرگىزىلگەن پروفيلاكتيكالىق، باقىلاۋ جانە تەكسەرۋ شارالارىنىڭ ناتيجەسىندە 36 ويىن مەكەمەسى، ونىڭ ىشىندە 28 بۋكمەكەرلىك كەڭسە، 6 توتاليزاتور جانە 2 ويىن اۆتوماتتارى زالى ليتسەنزيالاردان ايىرىلدى»، - دەلىنگەن قۇجاتتا.

بيىل ناۋرىز ايىندا تۋريزم جانە سپورت مينيسترلىگى قونايەۆ قالاسىندا ورنالاسقان بەلگىلى ساۋدا بەلگىلەرىمەن جۇمىس ىستەيتىن 3 بۋكمەكەرلىك كەڭسەنى جانە 1 ويىن اۆتوماتتارى زالىن ويىن بيزنەسى سالاسىنداعى زاڭنامانى ساقتاۋ جانە قىلمىستىق كىرىستەردى جىلىستاتۋعا (زاڭداستىرۋعا) قارسى ءىس- قيمىل تۇرعىسىنان جوسپارلى تەكسەرۋدى باستاعان.

«الماتى وبلىسىنداعى ويىن ايماعىنىڭ اۋماعىندا قاپشاعاي سۋ قويماسىنىڭ جاعالاۋىندا 4 كازينو، 3 ويىن اۆتوماتتارى زالى جانە 10 بۋكمەكەرلىك كەڭسە جۇمىس ىستەيدى. ولار 2023 -جىلدىڭ الدىن الا قورىتىندىسى بويىنشا جالپى سوماسى 96 ميلليارد تەڭگەگە سالىق تولەپ، قونايەۆ قالاسىندا تىكەلەي 6000 عا جۋىق جۇمىس ورنىمەن قامتاماسىز ەتىپ وتىر»، - دەلىنگەن كەشەندى جوسپاردا.

سوڭعى جاڭالىقتار