قاشاعانداعى جوندەۋ جۇمىستارى مۇناي وندىرىسىنە قالاي اسەر ەتەدى؟

استانا. KAZINFORM - ەنەرگەتيكا ءمينيسترى الماسادام ساتقاليەۆ قاشاعان كەن ورنىندا جوندەۋ جۇمىستارى ەلىمىزدىڭ مۇناي وندىرىسىنە قالاي اسەر ەتەتىنىن ءتۇسىندىردى.

ءمينيستردىڭ ايتۋىنشا، قازاقستان قاشاعانداعى جوندەۋ جۇمىستارىنا بايلانىستى نارىققا كۇنىنە شامامەن 400 مىڭ باررەل جەتكىزبەيدى.

«ءيا، ارينە، ول (جوندەۋ-شامامەن) ولجاعا اسەر ەتەدى. ياعني قازاقستان نارىققا كۇنىنە 400 مىڭ باررەل شىعارمايتىنىن تۇسىنەمىز، ويتكەنى جوندەۋ جۇمىستارىنا بايلانىستى قاشاعان كەن ورنى تولىعىمەن توقتاتىلدى. تامىز، قىركۇيەك ايلارىنا كەلەتىن بولساق، ءبىز ءوز مىندەتتەمەلەرىمىزدى تولىق ورىندادىق. ەنەرگەتيكا مينيسترلىگىمەن كەلىسىلگەن جوسپارلى جوندەۋ - 40 كۇن. ءبىراق قازىر كونسورتسيۋم مەنەدجمەنتى جوندەۋدى قىسقا مەرزىمدە اياقتاۋعا تىرىساتىنىن جەتكىزدى، وندا 30 كۇن كورسەتىلدى، ءبىراق كۇتەمىز، ياعني نەگىزى 40 كۇن كەلىسىلدى»، - دەپ جاۋاپ بەردى الماسادام ساتقاليەۆ.

سونداي-اق جۋرناليستەر قازاقستان جوندەۋ جۇمىستارىنىڭ كەسىرىنەن قانشا قاراجاتتان ايىرىلىپ جاتقانىن سۇرادى.

«ءبىز قاراجات جوعالتپايمىز، بۇل جوسپارلى جوندەۋ. بۇل جوندەۋسىز كەن ورنى بولاشاقتا ءوز قىزمەتىن جۇزەگە اسىرا المايدى»، - دەپ ءتۇسىندىردى ەنەرگەتيكا ءمينيسترى.

ەسكە سالايىق، 7-قازاندا قاشاعان كەن ورنى جوندەۋگە جابىلادى. بۇل تۋرالى ەنەرگەتيكا مينيسترلىگىنىڭ باسپا ءسوز قىزمەتى حابارلادى.