قانات بوزىمبايەۆ باستاعان كوميسسيا ماڭعىستاۋ وبلىسىنا باردى

كوميسسيا قۇرامىنا قورعانىس ءمينيسترى، ماڭعىستاۋ وبلىسىنىڭ اكىمى، ەڭبەك جانە حالىقتى الەۋمەتتىك قورعاۋ، ىشكى ىستەر، توتەنشە جاعدايلار، دەنساۋلىق ساقتاۋ جانە كولىك مينيسترلىكتەرىنىڭ باسشىلىعى، باس اسكەري پروكۋرور، سونداي-اق شەكارا قىزمەتىنىڭ وكىلدەرى كىردى.

ماڭعىستاۋ وبلىسى اكىمدىگىنىڭ حابارلاۋىنشا، كوميسسيا مۇشەلەرى قازىرگى احۋالدى باعالاپ، توتەنشە جاعدايدىڭ سالدارىن جويۋ بويىنشا الداعى شارالاردى ايقىندايدى.

- نەگىزگى نازار قازا تاپقان اسكەري قىزمەتشىلەردىڭ وتباسىلارىنا قاجەتتى كومەك كورسەتۋگە، وقيعانىڭ ءمان-جايىن انىقتاۋعا جانە مەملەكەتتىك ورگاندار مەن ءتيىستى قىزمەتتەردىڭ جۇمىسىن ۇيلەستىرۋگە اۋدارىلادى، - دەلىنگەن حابارلامادا.

كوميسسيانىڭ جۇمىسى وقيعا ورنىندا جالعاسىپ جاتىر.

ەسكە سالايىق، 2026-جىلعى 24-قىركۇيەكتە كاسپيدەگى اسكەري وقۋ-جاتتىعۋ كەزىندە 9 اسكەري قىزمەتشى قازا تاپقانىن حابارلاعانبىز. ءۇش اسكەري قىزمەتشى قۇتقارىلدى. ولاردىڭ بىرەۋى اۋرۋحاناعا جاتقىزىلدى. قالعاندارىن ىزدەۋ جۇمىستارى جالعاسىپ جاتىر.

كەيىنىرەك اسكەري قىزمەتشىلەردىڭ قازا بولۋ فاكتىسى بويىنشا قىلمىستىق ءىس قوزعالىپ، تەرگەلىپ جاتقانىن جازدىق.

ماڭعىستاۋ وبلىسىندا اسكەري قىزمەتشىلەردىڭ قازا بولۋ سەبەپتەرىن تەرگەپ-تەكسەرۋ جونىندەگى ۇكىمەتتىك كوميسسيا قۇرىلدى.

كوميسسيا قۇرامىنا قورعانىس ءمينيسترى، ماڭعىستاۋ وبلىسىنىڭ اكىمى، ەڭبەك جانە حالىقتى الەۋمەتتىك قورعاۋ، توتەنشە جاعدايلار، دەنساۋلىق ساقتاۋ، كولىك مينيسترلىكتەرىنىڭ باسشىلىعى، باس اسكەري پروكۋرور، سونداي-اق شەكارا قىزمەتىنىڭ وكىلدەرى كىردى.

سونىمەن قاتار، پرەزيدەنت قاسىم- جومارت توقايەۆ ماڭعىستاۋ وبلىسىندا اسكەري وقۋ- جاتتىعۋ كەزىندەگى قايعىلى وقيعا سالدارىنان قازا تاپقان اسكەري قىزمەتشىلەردىڭ تۋعان-تۋىستارىنا كوڭىل ايتتى.

اسكەريلەردىڭ قازاسىنان كەيىن اقتاۋدا ءۇش كۇنگە جوسپارلانعان مەرەكەلىك شارالار وتپەيتىن بولدى.

25-قىركۇيەك قازاقستاندا جالپىۇلتتىق ازا تۇتۋ كۇنى بولادى.