ق ر ىشكى ىستەر مينيسترلىگىنىڭ كۋرسانتتارى جاپپاي اۋرۋحاناعا ءتۇستى

ىشكى ىستەر مينيسترلىگىنىڭ پاۆلودار وبلىسىنداعى وقۋ مەكەمەسىنىڭ كۋرسانتتارى سۇلتانوۆ اتىنداعى وبلىستىق اۋرۋحاناسىنا ءتۇستى.

قويىلعان دياگنوز - اۋىرلىعى ورتاشا دارەجەدەگى جۇقپالى رەسپيراتورلى ۆيرۋستىق ينفەكتسيا (ج ر ۆ ي)، وتكىر رينوفارينگيت، دەپ حابارلايدى kazinform.

وبلىستىق دەنساۋلىق ساقتاۋ باسقارماسىنان ءمالىم ەتكەندەي، 29- قاراشادا ق ر ءى ءى م قىلمىستىق-اتقارۋ جۇيەسى كوميتەتى ورتالىعىنىڭ كۋرسانتى - 18 جاستاعى قىز اۋرۋحاناعا جەتكىزىلدى. تاعى 10 كۋرسانت 1- جەلتوقسان كۇنى كەشقۇرىم تۇسكەن. بارلىعىنان اناليز الىنىپ، ەم-دوم تاعايىندالعان.

«ولار حالىقتىڭ دەكرەتتەلگەن توبىنا ەنۋىنە بايلانىستى - كازارمادا جاتاتىندىقتان اۋرۋحاناعا جاتقىزىلدى. قازىر بارلىعىنىڭ جاعدايى تۇراقتى»، - دەپ ءمالىم ەتتى وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتىنەن.

كۋرسانتتاردىڭ ەشقايسىسى ازىرگە اۋرۋحانادان شىعارىلعان جوق.