ق ر پرەزيدەنتىنە ءبىرقاتار شەت مەملەكەتتەردىڭ باسشىلارى كوڭىل ايتتى

ۉۉۉۉ
Фото: Фото: Kazinform

قازاقستان پرەزيدەنتىنىڭ اتىنا قاراعاندى وبلىسىنداعى كەن ورنىندا بولعان اپات سالدارىنان كوپتەگەن ادامنىڭ قازا تابۋىنا بايلانىستى شەت مەملەكەتتەردىڭ باسشىلارىنان جانە حالىقارالىق ۇيىمداردىڭ جەتەكشىلەرىنەن كوڭىل ايتۋ جەدەلحاتتارى كەلىپ تۇسۋدە.

سونداي-اق مەملەكەتتەر باسشىلارى تەلەفون ارقىلى دا كوڭىل ايتىپ جاتىر. ولار قازا تاپقان كەنشىلەردىڭ وتباسىلارىنىڭ قايعىسىنا ورتاقتاسىپ، كوڭىل ايتقان جانە زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك بىلدىرگەن، دەپ حابارلايدى Kazinform اقوردانىڭ باسپا ءسوز قىزمەتىنە سىلتەمە جاساپ.

سونىڭ ىشىندە وزبەكستان پرەزيدەنتى شاۆكات ميرزيەيەۆ پەن قىرعىزستان پرەزيدەنتى سادىر جاپاروۆ تەلەفون ارقىلى كوڭىل ايتتى جانە جەدەلحاتتارىن دا جولدادى.

قاراعاندى وبلىسىنداعى كوستەنكو اتىنداعى شاحتادا بولعان اپات سالدارىنان قازا تاپقان كەنشىلەردىڭ وتباسىلارى مەن جاقىندارىنا وزدەرىنىڭ كوڭىل ايتۋ جەدەلحاتتارىن رەسەي پرەزيدەنتى ۆلاديمير پۋتين، فرانسيا پرەزيدەنتى ەممانيۋەل ماكرون، تاجىكستان پرەزيدەنتى ەمومالي راحمون، تۇرىكمەنستان پرەزيدەنتى سەردار بەردىمۇحامەدوۆ، تۇرىكمەنستان حالك ماسلاحاتىنىڭ ءتوراعاسى گۋربانگۋلى بەردىمۇحامەدوۆ، ازەربايجان پرەزيدەنتى يلحام اليەۆ، بەلارۋس پرەزيدەنتى الەكساندر لۋكاشەنكو، ارمەنيا پرەمەر-ءمينيسترى نيكول پاشينيان، تاتارستان رايسى رۋستام ميننيحانوۆ، ددۇ باس ديرەكتورى تەدروس ادحانوم گەبرەيەسۋس، تۇركسويدىڭ باس حاتشىسى سۇلتان رايەۆ جانە باسقالار جولدادى.

سوڭعى جاڭالىقتار