ق ر پرەزيدەنتى ت ر ك جانە CMG قازاقستان مەن قىتاي كوشباسشىلارىنىڭ قاتىسۋىمەن مەموراندۋمعا قول قويدى
استانا. KAZINFORM - بۇگىن استانادا قىتاي حالىق رەسپۋبليكاسىنىڭ ءتوراعاسى شي جينپيڭنىڭ قازاقستان رەسپۋبليكاسىنا مەملەكەتتىك ساپارى اياسىندا ق ر پرەزيدەنتىنىڭ تەلەراديوكەشەنى مەن قىتاي مەدياكورپوراتسياسى (CMG) ىنتىماقتاستىق جانە ءوزارا تۇسىنىستىك تۋرالى مەموراندۋمعا قول قويدى.
قول قويۋ ءراسىمى اقوردادا قازاقستان پرەزيدەنتى ق. ك. توقايەۆ پەن قىتاي ءتوراعاسى شي جينپيڭنىڭ قاتىسۋىمەن ءوتتى. قۇجاتقا پرەزيدەنت تەلەراديوكەشەنىنىڭ ديرەكتورى راۋشان قاجىبايەۆا مەن قىتاي مەدياكورپوراتسياسىنىڭ پرەزيدەنتى شەن حايسيۋن قول قويدى.
«بۇگىن قول قويىلعان مەموراندۋم ەكى ەلدىڭ ومىرىندەگى ماڭىزدى وقيعالاردى جاريالاۋدا مەديا-كونتەنتپەن الماسۋدى جانە ءوزارا قولداۋدى كوزدەيدى»، - دەپ اتاپ ءوتتى راۋشان قاجىبايەۆا.
بۇعان دەيىن تاراپتار «Silk Way» جانە CGTN تەلەارنالارى اراسىندا العاشقى بىرلەسكەن «استانا- بەيجىڭ» تەلەكوپىرىن وتكىزىپ، استاناداعى ش ى ۇ سامميتىنە ارنالعان توك- شوۋ مەن «Silk Way» تەلەارناسىندا «جىبەك جولى سيمفونياسى» دەرەكتى فيلمىن كورسەتتى. الداعى كۇندەرى CGTN ارناسىندا ق ر پرەزيدەنتى تەلەراديوكەشەنىنىڭ «شاڭحاي رۋحى» دەرەكتى فيلمى كورسەتىلەدى دەپ جوسپارلانىپ وتىر.
ق ر پرەزيدەنتى ت ر ك ديرەكتورى راۋشان قاجىبايەۆانىڭ ايتۋىنشا، «تەلەراديوكەشەن مەن CMG اراسىنداعى ىنتىماقتاستىق قازاقستان مەن قىتاي اراسىنداعى ستراتەگيالىق سەرىكتەستىك رۋحىنا سايكەس كەلەدى جانە كوپ عاسىرلىق مادەنيەتارالىق جانە حالىقارالىق ديالوگتى دامىتۋعا باعىتتالعان».
ق ر پرەزيدەنتىنىڭ تەلەراديوكەشەنى - تولىق سيكلدى قازاقستاندىق مەديا- كومپانيا، قۇرامىنا: Jibek Joly رەسپۋبليكالىق تەلەارناسى، Silk Way جانە Silk Way Cinema حالىقارالىق تەلەارنالارى، Kazinform ح ا ا جانە دەرەكتى فيلمدەر ورتالىعى كىرەدى.
قىتاي مەدياكورپوراتسياسى (CMG) - الەمدەگى ەڭ ءىرى مەديا كونگلومەراتتاردىڭ ءبىرى. وعان قىتايدىڭ ورتالىق تەليەۆيزياسى (CCTV)، قىتايدىڭ حالىقارالىق تەليەۆيزيا جەلىسى (CGTN)، قىتاي ۇلتتىق راديوسى (CNR) جانە قىتاي حالىقارالىق راديوسى (CRI) كىرەدى. كورپوراتسيا قۇرامىندا بارلىعى 47 تەلەارنا، 17 راديوستانتسيا جانە 17 گازەت بار.
