ق ر پرەزيدەنتى ت م د ەلدەرى باسشىلارىنا - ايماعىمىزدى ءىرى كولىك- لوگيستيكالىق حابقا اينالدىرامىز

CIS Summit in Bishkek
Фото: Photo: Akorda

 قاسىم- جومارت توقايەۆ تۋىندايتىن سىن- قاتەرلەردى ەڭسەرۋگە، تابىستى ىنتىماقتاستىقتى نىعايتۋ ءۇشىن جاڭا سالالاردى ىزدەۋگە باعىتتالعان ت م د فورماتىنداعى بەلسەندى ىقپالداستىقتى جالعاستىرۋعا شاقىردى، دەپ حابارلايدى kazinform اقورداعا سىلتەمە جاساپ.

«تىعىز ساۋدا- ەكونوميكالىق بايلانىستاردى دامىتۋ نەگىزگى مىندەت بولىپ قالا بەرەدى. دوستاستىققا مۇشە ەلدەردىڭ نارىقتارى ءبىز ءۇشىن قاشاندا باسىمدىققا يە. وتكەن جىلدىڭ قورىتىندىسى بويىنشا قازاقستاننىڭ سىرتقى ساۋدا اينالىمىنىڭ تورتتەن بىرىنەن استامى تمد مەملەكەتتەرىمەن جاسالدى. بۇل وڭ ديناميكا بيىل دا ساقتالىپ وتىر. قازاقستاننىڭ ساۋدا اينالىمى 7 ايدا 4,4 پايىزعا ارتىپ، 20,6 ميلليارد دوللاردى قۇرادى. ءبىز ساۋدا بايلانىستارىن ودان ءارى نىعايتۋ ءۇشىن قولدا بار مۇمكىندىكتەردى تولىق پايدالانۋىمىز قاجەت»، - دەدى قاسىم- جومارت توقايەۆ ت م د- عا مۇشە مەملەكەتتەر باسشىلارى كەڭەسىنىڭ وتىرىسىندا.

مەملەكەت باسشىسىنىڭ پىكىرىنشە، ساۋدا كەدەرگىلەرىن جويۋعا، قولايلى تاريفتىك جاعداي جاساۋعا، اكىمشىلىك راسىمدەردى جەڭىلدەتۋگە باسا ءمان بەرۋ قاجەت.

سونىمەن قاتار پرەزيدەنت دوستاستىق كەڭىستىگىندەگى كولىك دالىزدەرىن دامىتۋ ماڭىزدى ەكەنىنە نازار اۋداردى.

«ءبىز ءوزىمىزدىڭ بىرەگەي گەوگرافيالىق ارتىقشىلىعىمىزدى پايدالانىپ، جاھاندىق نارىقتاردى ۇشتاستىرۋىمىز كەرەك. وسىلايشا، ايماعىمىزدى ءىرى كولىك- لوگيستيكالىق حابقا اينالدىرامىز. الەمدە جاڭا ەكونوميكالىق گەوگرافيا قالىپتاسىپ، ساۋدا اعىندارى ۇلعايا تۇسكەن قازىرگى جاعدايدا بۇل باعىت ستراتەگيالىق ماڭىزعا يە بولادى. بۇگىندە ەۋروپا مەن ازيا اراسىنداعى قۇرلىقتىق- ترانزيتتىك تاسىمالدىڭ 80 پايىزى قازاقستان ارقىلى وتەدى. ءبىز ترانسكاسپي كولىك باعىتىن، «سولتۇستىك - وڭتۇستىك» ءدالىزىن ودان ءارى دامىتۋعا، سونداي- اق «قازاقستان - تۇرىكمەنستان - يران» تەمىرجولىنىڭ مۇمكىندىكتەرىن تولىققاندى پايدالانۋعا ايرىقشا ءمان بەرەمىز. قازاقستان «دوستىق - مويىنتى»، «باقتى - اياگوز»، «داربازا - ماقتاارال» تەمىرجول جوبالارىن تەزىرەك ىسكە اسىرۋدى كوزدەيدى»، - دەدى قاسىم- جومارت توقايەۆ.

كەڭەستە سونداي- اق، قىرعىزستان پرەزيدەنتى سادىر جاپاروۆ، ازەربايجان پرەزيدەنتى يلحام اليەۆ، بەلارۋس پرەزيدەنتى الەكساندر لۋكاشەنكو، رەسەي پرەزيدەنتى ۆلاديمير پۋتين، تاجىكستان پرەزيدەنتى ەمومالي راحمون، تۇرىكمەنستان پرەزيدەنتى سەردار بەردىمۇحامەدوۆ، وزبەكستان پرەزيدەنتى شاۆكات ميرزيەۆ، ت م د باس حاتشىسى سەرگەي لەبەديەۆ ءسوز سويلەدى.

ەسكە سالايىق، قازاقستان پرەزيدەنتى قاسىم- جومارت توقايەۆ بۇگىن قىرعىزستانعا جۇمىس ساپارىمەن باردى.

مەملەكەت باسشىسىن «الا- ارچا» رەزيدەنتسياسىندا قىرعىزستان پرەزيدەنتى سادىر جاپاروۆ قارسى الدى.

تمد- عا مۇشە مەملەكەتتەر باسشىلارى كەڭەسىنىڭ وتىرىسىندا ق. توقايەۆ، سونداي- اق تاياۋ شىعىستاعى قازىرگى احۋالعا پىكىر ءبىلدىردى، تسيفرلىق شەشىمدەردى ەنگىزۋ شارالارىنىڭ ماڭىزىنا توقتالىپ,. تمد ۆولونتەرلەرىنىڭ جىل سايىنعى فورۋمىن وتكىزۋدى ۇسىندى.

ايتا كەتەيىك، 2024 -جىلدىڭ 1 قاڭتارىنان تمد ورگاندارىنا ءتوراعالىق ەتۋ رەسەي فەدەراتسياسىنا وتەدى.

سوڭعى جاڭالىقتار